Мереке күндері пойыз бен ұшақ кестесі қалай өзгереді?

Жаңа жыл қарсаңындағы сапарлар әрқашан үлкен жауапкершілікті талап етеді. Алыс жолға шыққан азаматтарды қамтамасыз ету мақсатында Көлік министрлігі мен «Қазақстан темір жолы» (ҚТЖ) жолаушылар үшін маңызды шешімдер қабылдады. Мереке күндері әуе рейстері мен пойыздардың саны артып, жаңа буынның вагондары жолға шықпақ. Ең бастысы – халықтың көкейінде жүрген билет бағасының өсуіне қатысты сауалға нақты жауап берілді, деп жазады Egemen.kz.

Фото: ЖИ

Жаңа жылдық кесте: Билет бағасы мен қосымша вагондар

Мереке күндеріне орай ҚТЖ жолаушыларға жағымды жаңалықтар әзірлеп отыр. Компанияның мәліметінше, мереке қарсаңында билет бағасы өзгеріссіз қалады. Керісінше, сұраныс жоғары бағыттар бойынша тасымал мүмкіндігі артады:

Алматы – Астана: №201 және №202 пойыздары Алматыдан 20, 22, 24, 26, 28, 30 желтоқсан және 2, 4 қаңтар күндері аттанады. Ал елордадан кері қарай 21, 23, 25, 27, 29, 31 желтоқсан мен 3, 5 қаңтарда жолға шығады. Астана – Шымкент: №203 және №204 пойыздары елордадан 20, 23, 26, 29 желтоқсан және 2 қаңтарда жүреді. Шымкент қаласынан рейстер 22, 25, 28, 30 желтоқсан мен 4 қаңтарға жоспарланған. Ақтөбе – Астана: №257 және №258 пойыздары Ақтөбеден 20, 23, 26, 29 желтоқсан және 2 қаңтарда шығады. Астанадан кері қайту рейстері 22, 24, 28, 30 желтоқсан мен 4 қаңтар күндеріне белгіленді.

Бұған дейін «Жолаушылар тасымалы» АҚ швейцариялық Stadler компаниясымен 557 жаңа вагон сатып алу туралы келісімге келген болатын. Бұл заманауи вагондардың (купе, плацкарт, мүмкіндігі шектеулі жандарға арналған және генераторлы вагондар) алғашқы легі 2026 жылдың қаңтарынан бастап тұрақты бағыттарға шығарыла бастайды. Жаңа пойыздар кондиционерлермен, бейнебақылаумен, өрт сөндіру жүйесімен және әр орынға арналған USB-ұяшықтармен жабдықталған.

Қазақстанда жаңа жыл қарсаңында қосымша пойыздар қатынайды

Әуе қатынасы: Қосымша рейстер мен тиімді жоспарлау

Алматы, Шымкент және Ақтау сияқты негізгі бағыттар бойынша сыйымдылығы жоғары ірі ұшақтар мен қосымша рейстер белгіленеді:

SCAT авиакомпаниясы (39 рейс): Ең көп өсім Астана – Алматы (16 рейс) және Алматы – Шымкент (10 рейс) бағыттарында байқалады. Сондай-ақ Алматыдан Мәскеуге (7), Жезқазғанға (2), Ақтөбеге (2), Өскеменге (1) және Астанадан Шымкентке (1) қосымша ұшақтар қатынайды. FlyArystan авиакомпаниясы (39 рейс): Астана мен Алматы арасында 9 рейс қосты. Сонымен қатар Шымкент, Павлодар, Ақтөбе, Атырау, Орал, Қостанай, Қызылорда, Түркістан, Ақтау және Қарағанды бағыттары бойынша рейстер саны артты. Air Astana авиакомпаниясы (10 рейс): Әуе компаниясы Астана – Алматы бағыты бойынша қосымша 10 рейс орындайды. Қазіргі уақытта басқа да бағыттар бойынша рейстерді көбейту мәселесі қарастырылып жатыр. Qazaq Air авиакомпаниясы (3 рейс): Елордадан Ақтөбе, Шымкент және Қызылорда қалаларына қосымша бір-бір рейстен қосылды.

Көлік вице-министрі Мақсат Қалиакпаров келер жылы әуе билеттерінің бағасын көтеру жоспарда жоқ екенін атап өтті. Бүгінде жолаушылардың 50%-дан астамы өз сапарларын алдын ала жоспарлауға дағдыланған.

Соңғы жаңалықтар

240 мыңнан астам ұстаз ЖИ бойынша білім алды

Білім • Бүгін, 17:11

Қытайда теңіз бетіне салынған күн электр станциясы пайдалануға берілді

Ғалам ғажаптары • Бүгін, 17:03

Қазақстан теміржол паркі жаңарады: 2026 жылы 91 жаңа вагон қолданысқа беріледі

Оқиға • Бүгін, 16:55

Ақтоғай ауданында жаңа медициналық пункт пайдалануға берілді

Аймақтар • Бүгін, 16:43

Қысқы Олимпиадада Қазақстанның туын кімдер ұстап шығады?

Спорт • Бүгін, 16:25

Биыл Президент тапсырмасымен 141 мектеп ашылды

Білім • Бүгін, 16:16

Димаш Құдайберген 2025 жылғы Чехия хит-шеруінің жеңімпазы атанды

Мәдениет • Бүгін, 16:00

Ғалымжан Кенжебек «Елімай» клубындағы мансабын аяқтады

Футбол • Бүгін, 15:55

Автокөліктерді қай өңір көбірек өндірді?

Экономика • Бүгін, 15:33

Мереке күндері ауа райы 15 градусқа дейін жылынады

Ауа райы • Бүгін, 15:29

1 қаңтардан бастап елімізде не өзгереді?

Қоғам • Бүгін, 15:18

Qarmet-те жаңа буындағы Ахуал орталығы іске қосылды

Аймақтар • Бүгін, 15:07

Мария Хаджиева қызметінен босатылды

Қоғам • Бүгін, 15:02

Алматыда тегін ем-дом жүргізілетін кеселдердің тізімі ұлғайды

Медицина • Бүгін, 15:00

Астанада жүргізушісіз таксилер пайда болады

Елорда • Бүгін, 14:51

Барлық жаңалықтар