Метро , Small, Toimart және өзге де ірі сауда желілері бағаны негізсіз өсіргені үшін жауапкершілікке тартылды

Алматыда сауда және тұтынушылардың құқығын қорғау департаменті ірі сауда жүейелеріне жоспардан тыс тексеру жүргізп, 420-дан астам кәсіпкерлік субъектісі әкімшілік жауапкершілікке тартылды.

Жалпы әлеуметтік маңызы бар тауарларға сауда үстемесін арттырған кәсіпкерлерге 32 млн теңгеден астам айыппұл салды.

Сауда жүйелерін жауапкершілікке тартуға әлеуметтік маңызы бар азық-түлік тауарларына шекті сауда үстемесінің 15%-дан асып кетуі себеп болды. «Small», JLC, Galmart, «Toimart», «А-стор», My Mart, «Беккер» желілерін, сондай-ақ Carefood супермаркетін және бірқатар сауда серіктестіктерін қоса алғанда, бірқатар ірі ритейлерлерде бұзушылықтар тіркелген — Food Beverage Trading, «Airba Fresh», «Good Luck Trade», «Mix Market Trade» және басқалары.

Айта кету керек, «Метро» сауда желісі белгіленген сауда үстемесі үшін әкімшілік жауапкершілікке бірінші рет тартылып отырған жоқ. Бұған дейін 2024 жылы «Метро Кэш энд Керри» ЖШС сауда үстемесі үшін әкімшілік жауапкершілікке тартылған болатын, сондай-ақ, Департаменттің әкімшілік шешіміне сот тәртібімен шағымданды, нәтижесінде кәсіпкерлік субъектісіне талаптарды қанағаттандырудан, оның ішінде Қазақстан Республикасының Жоғарғы сотымен бас тартылды.

Сондай-ақ, Алматы қаласының «Small» және «Toimart» сияқты ірі сауда желілері сауда үстемесінің 15% асқаны үшін әкімшілік жауапкершілікке тартылды.

Одан бөлек Департамент мемлекеттік бақылау функцияларын іске асыру бойынша кешенді іс-шараларды өткізген кезде, SMALL сауда желісін сот ҚР ӘҚБтК-нің 462-бабы бойынша, мемлекеттік бақылау функцияларын орындауы кезінде Департаменттің лауазымды тұлғаларына кедергі келтіргені үшін, әкімшілік жауапкершілікке тартты.

Қазіргі уақытта үй жанындағы дүкендерде әлеуметтік маңызы бар азық-түлік тауарларын сататын жосықсыз кәсіпкерлерді әкімшілік жауапкершілікке тарту бойынша кешенді жұмыс жүргізілуде. 

Бүгін, 17:55