Пойыздарда 11 млн нан астам жолаушы Starlink интернетін пайдалана алады ҚТЖ

АСТАНА, 20 қазан – Sputnik. "Қазақстан темір жолы" компаниясы пойыздарды Starlink спутниктік интернетімен жабдықтау жобасын, сондай-ақ басқа да цифрлық шешімдерді ұсынды.

© Sputnik / Санат ИмангалиевПойыздарда 11 млн-нан астам жолаушы Starlink интернетін пайдалана алады — ҚТЖ

Пойыздарда 11 млн-нан астам жолаушы Starlink интернетін пайдалана алады — ҚТЖ

© Sputnik / Санат Имангалиев

Ұлттық оператордың хабарлауынша, бұл бастама 51 бағыт бойынша 1500-ден астам вагонды қамтиды және жыл сайын 11 миллионнан астам жолаушыны интернетпен әрі заманауи цифрлық қызметтермен қамтамасыз етеді.

Жоба Астанадағы "Нұрлы жол" теміржол вокзалында таныстырылды. Пойыз басшылары вагондардағы Wi-Fi желісінің қалай жұмыс істейтінін нақты уақыт режимінде көрсетті.

© Sputnik / Санат ИмангалиевПойыздарда 11 млн-нан астам жолаушы Starlink интернетін пайдалана алады — ҚТЖ

Пойыздарда 11 млн-нан астам жолаушы Starlink интернетін пайдалана алады — ҚТЖ

© Sputnik / Санат Имангалиев

"Жолаушылар тасымалы" АҚ басқарма төрағасы Әнуар Ахметжанов Sputnik Қазақстан тілшісіне берген сұхбатында техникалық іске қосу кезеңінде бұл қызметтің тегін болатынын мәлімдеді.

"Қызмет шамамен қараша айының ортасы мен аяғына дейін тегін болады. Қазіргі уақытта біз техникалық серіктесіміз — Transtelecom компаниясымен бірлесіп, коммерциялық шарттарды нақтылау және трафик көлеміне негізделген деректер топтамаларын (пакеттерін) анықтау үстіндеміз. Мысалы, егер жолаушы екі-үш фильм көргісі келсе, бір гигабайттық топтама жеткілікті болады — бұл баға деңгейлерінің бірі ретінде қарастырылады", — деді Ахметжанов.

© Sputnik / Санат ИмангалиевӘнуар Ахметжанов - "Жолаушылар тасымалы" АҚ басқарма төрағасы

Әнуар Ахметжанов - "Жолаушылар тасымалы" АҚ басқарма төрағасы

© Sputnik / Санат Имангалиев

Ал егер жолаушы жұмыс істегісі келсе (мәселен, бейнеконференцияға немесе Zoom қоңырауына қатысу арқылы), содан кейін жоғары сапалы фильмдер көргісі келсе, оған 3–5 гигабайт қажет болады, деп болжады спикер.

"Бұл сәл өзгеше қызмет. Оған SMS хабарламалардың негізгі пакеті кіреді, бұл жолаушыларға отбасымен және достарымен байланыста болуға мүмкіндік береді. Мысалы, WhatsApp немесе Telegram арқылы хабарлама жіберу арқылы қосымша ақысыз. Біз бұл қызметтің бағасының Қазақстан азаматтары үшін қолжетімді болуын қамтамасыз етуге тырысамыз", - деді Ахметжанов.

© Sputnik / Санат ИмангалиевПойыздарда 11 млн-нан астам жолаушы Starlink интернетін пайдалана алады — ҚТЖ

Пойыздарда 11 млн-нан астам жолаушы Starlink интернетін пайдалана алады — ҚТЖ

© Sputnik / Санат Имангалиев

Сонымен қатар, ҚТЖ (Қазақстан темір жолы) "Ұлттық жолаушылар көлігі жүйесі" деп аталатын ақпараттық жүйені әзірлегенін жариялады. Бұл жүйе жолаушыларға, пойыздарға, билеттерге, бағыттар мен қызметтерге қатысты деректерді біріктіреді. Сонымен бірге жолаушыларға қатысты бөлімдердің жұмысын оңтайландырады.

© Sputnik / Санат ИмангалиевПойыздарда 11 млн-нан астам жолаушы Starlink интернетін пайдалана алады — ҚТЖ

Пойыздарда 11 млн-нан астам жолаушы Starlink интернетін пайдалана алады — ҚТЖ

© Sputnik / Санат Имангалиев

"Жолаушылар бұл қызметтерге қазіргі уақытта әзірленіп жатқан "SuperApp" деп аталатын мобильді қосымша арқылы қол жеткізе алады. Оның көмегімен олар бағыттарды іздеп, кестелерді тексере алады. Орындарды таңдап, билет сатып ала алады", - дейді ҚТЖ.

Сондай-ақ сапар барысында хабарламалар алып, қосымша қызметтерді пайдаланып, қолдау қызметіне хабарласа алады.