Күзгі демалыс уақыты белгіленді: оқушылар 26 қазанда каникулға шығады

Қазақстандық оқушылар 26 қазан, дүйсенбі күні күзгі каникулға шығады. Демалыс 2026 жылғы 1 қарашаны қоса алғанда жалғасады.

Тиісті кестені бұған дейін Қазақстанның Оқу-ағарту министрлігі бекіткен.

Бұйрыққа сәйкес, 2026–2027 оқу жылының бірінші тоқсаны сегіз оқу аптасынан тұрады. Күзгі каникулға жеті күнтізбелік күн — 26 қазаннан 1 қарашаға дейінгі аралық бөлінген.

Осылайша, екінші тоқсан 2 қарашада басталады.

Қазақстанда оқу жылы 2026 жылғы 1 қыркүйекте басталып, 2027 жылғы 25 мамырда аяқталады. Екінші тоқсан да сегіз оқу аптасына созылады.

Одан кейін оқушыларды 14 күндік қысқы каникул күтіп тұр. Ол 2026 жылғы 28 желтоқсаннан 2027 жылғы 10 қаңтарды қоса алғанға дейін жалғасады.

Бірінші сынып оқушылары үшін 2027 жылғы 8–14 ақпан аралығында қосымша бір апталық демалыс қарастырылған. Ал көктемгі каникул 22–28 наурыз аралығына жоспарланған.

Бүгін, 12:35