Мьянма парламенті Мин Аун Хлайнды ел президенті етіп сайлады

Агенттік дерегіне сүйенсек, бұл сайлауда Одақтың ынтымақ пен даму партиясы орындардың 80 пайыздан астамын иеленген. Сонымен қатар парламенттегі орындардың шамамен төрттен бірі әскери күштерге тиесілі.

Мин Аун Хлайн президенттікке ұсынылған үш кандидаттың бірі болған. Қалған екі кандидат вице-президент қызметіне тағайындалды.

Ол 2011 жылдан бері Мьянма қарулы күштерінің бас қолбасшысы қызметін атқарған. Президенттікке ауысуына байланысты бұл қызметінен кеткен. Оның орнына жақын серігі әрі бұрынғы әскери барлау басшысы Йе Вин Оо тағайындалды.

Айта кетейік, бұған дейін Қытайда Мьянмадан экстрадицияланған 41 мың алаяқ сотталған болатын.