Мьянма ЕАЭО елдері үшін келесі сауда серіктесі болуы мүмкін

АСТАНА, 31 наурыз – Sputnik. Мьянма ЕАЭО елдері үшін келесі сауда серіктесі бола алады, деді видеоконференция барысында РҒА Халықаралық экономикака және халықаралық қатынастар институтының аға ғылыми қызметкері Анна Великая.

"Егер біз Оңтүстік-Шығыс Азияны алып қарасақ, онда Мьянма сияқты ел әлемдегі ең ірі бидай экспорты нарықтарының бірін байланыстыратын перспективалы серіктес бола алады. Африка елдері де басымдық болып табылады", - деді ол.

Сонымен қатар, Беларусь стратегиялық зерттеулер институтының талдаушысы Ольга Лазоркинаның айтуынша, Таяу Шығыс елдері де басымдықта болып қала береді.

"Таяу Шығыс елдері ЕАЭО-мен ынтымақтастыққа қызығушылық танытты, өте жоғары деңгейдегі қызығушылық танытты. Олар ұйымның артықшылықтарын, әсіресе серіктес елдерге ұсынылған құқықтық база мен дайын модельді жоғары бағалады", - деді ол.

Лазоркинаның айтуынша, бұл аймақтағы елдермен серіктестік біршама кейінірек болады.