Нұрайдың өлімі: Құрылтайға 130 дан астам өтініш түсті

Ұлттық құрылтайға Шымкенттегі бойжеткеннің өліміне қатысты 130-дан астам өтініш келіп түскен.

Мұны Мемлекет басшысы атап өтіп, Ішкі істер министріне қалалық департаменттің әрекеті бойынша құқықтық баға беру тапсырылғанын айтты. Бас прокурор да бұл мәселені мұқият тексереді. Күдіктінің Нұрай есімді қызды аңдып, маза бермей, қоқан-лоққы көрсеткені анықталып отыр. Сонымен қатар Президент өз сөзінде қыз алып қашу - адам ұрлау екенін, бұл  ұлтымыздың беделіне нұқсан келтіретін өрескел, жабайы қылмыс екенін жеткізді. "Жыл өткен сайын халықтың сана-сезімі өсіп, қоғамда азаматтық жауапкершілік деңгейі артып келеді. Заңнамалық өзгерістер де соған сай болуы өте маңызды" деді ол.