Алматыдағы Отбасын қолдау орталығына 1 мыңнан астам өтініш түсті

Оның айтуынша, орталық қиын жағдайға тап болған отбасылар мен азаматтарға кешенді көмек көрсетіп келеді.

– Біздің міндет – тек туындаған мәселені шешуге жәрдемесу емес, олардың алдын алу. Біз мекемеаралық өзара іс-қимылды жолға қойып, отбасыларды жағдайы толық түзеліп кеткенше көмек береміз. Көшпелі жұмысқа ерекше назар аударылды. Қалада білім беру, денсаулық сақтау мен құқық қорғау саласының өкілдері қатысқан жедел топтар жұмыс істейді. Олар былтыр қолдауға мұқтаж отбасыларға 146 рет барып қайтты, - деді Ақмолжан Зарипов.

Былтыр Отбасын қолдау орталығына жалпы 1 341 өтініш түскен және оның 1 283-і орындалған. Мамандар 527 психологиялық және 325 заңгерлік кеңес берген. Ал 2026 жылдың басынан бері орталықтың 302 адамға түрлі қызмет көрсетті. Оның ішінде психологиялық, құқықтық және әлеуметтік көмек бар. 

Ақмолжан Зарипов орталық цифрлық шешімдерді енгізіп жатқанын айтты. Әлеуметтік көмекті көрсетудің FSM Social интеграцияланған жүйесі аясында 3 641 маман оқудан өткен.

Еске салайық, Қазақстанда Отбасы мәселелері жөніндегі уәкіл институты құрылады.