Оралдағы батыл көлік ұрлығы видеоға түсіп қалды

Оралдағы аулалардың бірінде Жедел басқару орталығының камераларына ерекше көлік ұрлығы түсіп қалды. Көршісінің автокөлігін иемдену үшін жергілікті тұрғын эвакуаторды пайдаланған, деп хабарлайды Tengri Auto Батыс Қазақстан облыстық полиция департаментіне сілтеме жасап.

Оралдағы аулалардың бірінде Жедел басқару орталығының камераларына ерекше көлік ұрлығы түсіп қалды. Көршісінің автокөлігін иемдену үшін жергілікті тұрғын эвакуаторды пайдаланған, деп хабарлайды Tengri Auto Батыс Қазақстан облыстық полиция департаментіне сілтеме жасап.

Полиция мәліметінше, күдікті - облыс орталығының 31 жастағы тұрғыны көршісінің аулада тұрған Toyota Camry көлігінің ашық қалғанын байқаған. Ол көп ойланбастан аулаға эвакуатор шақыртып, назарына іліккен көлікті алып кеткен.

Тәртіп сақшылары ұрланған көлікті қала маңынан тауып, заңды иесіне қайтарды. Көлік құны 8,5 миллион теңгеге бағаланып отыр. Тергеу амалдары басталды.

Полиция әрдайым автокөлік есігін құлыптап жүру, салонда кілт қалдырмау және қосымша қорғаныс құралдарын қолдану қажеттігін еске салды.

Instagram-дағы бұл жарияланымды көру

policebqo (@policebqo) жарияланымы

Бұған дейін 15 жастағы қазақстандық TikTok-қа видео түсіру үшін атасының көлігін ұрлап әкеткені хабарланған болатын.

Google News арқылы жаңалықтарымызды қадағалаңыз