Өртенген күйі табылған полицей ісі: әйелі мен екі ұлы қамауға алынды

Алматы облысында өртенген күйі табылған полиция қызметкері Аслан Әлсеровтің өліміне қатысты тергеу жалғасып жатыр, – деп хабарлайды Aikyn.kz сайты.

Тергеу мәліметінше, қайғылы оқиға күні үйде болған жанжал кезінде полиция қызметкері ауыр жарақат алған. Кейін оның мәйіті Алматы облысы Кеген ауданындағы таулы аумаққа шығарылып, өртелген деген болжам бар.

Қазіргі уақытта марқұмның жұбайы, екі кәмелетке толмаған ұлы және олардың 14 жастағы танысы күдікті ретінде қамауға алынған.

Марқұмның туыстары Аслан Әлсеровтің отбасында жанжал жиі болғанын, ал жұбайының бұған дейін полицияға бірнеше рет шағымданғанын айтады. Бірақ бұл мәліметтер әзірге ресми түрде расталған жоқ.

Құқық қорғау органдары қылмыстың барлық мән-жайын анықтап жатыр.