“Орындығын өз бетімен ауыстырып, экипажға бағынбаған“. Борттағы тәртібі жолаушының жоспарын бұзды

Әуе рейстерінде тәртіп бұзған екі ер адам жауапқа тартылды. Екеуі де мас күйінде болып, айналасындағыларға кедергі келтірген: бірі Алматыдан Астанаға ұшу кезінде, екіншісі Шымкентте ұшаққа отырғызу кезінде. Сот шешімімен олар 3 және 5 тәулікке әкімшілік қамаққа алынды, деп хабарлайды Tengri Travel.

Әуе рейстерінде тәртіп бұзған екі ер адам жауапқа тартылды. Екеуі де мас күйінде болып, айналасындағыларға кедергі келтірген: бірі Алматыдан Астанаға ұшу кезінде, екіншісі Шымкентте ұшаққа отырғызу кезінде. Сот шешімімен олар 3 және 5 тәулікке әкімшілік қамаққа алынды, деп хабарлайды Tengri Travel.

Көліктегі полиция департаменті баспасөз қызметінің мәліметінше, бірінші оқиға Алматы – Астана рейсі қонғаннан кейін болған. Әуе компаниясының өкілдері "деструктивті" жолаушыны ұшақ қонған бойда көлік полицейлеріне тапсырды.

"Тексеру барысында 37 жастағы елорда тұрғыны анықталды. Ол ұшу барысында алкогольдік мас күйде болып, өз бетінше басқа жолаушылардың орындарына ауысып отырған, әуе көлігіндегі тәртіп ережелерін бұзып, экипаж мүшелерінің заңды талаптарына бағынбаған. Құқық бұзушы полицияның кезекші бөліміне жеткізіліп, жауапкершілікке тартылды", - деп хабарлады ведомство.

Қоғамдық орында мас күйінде жүргені және әуе кемесіндегі тәртіп қағидаларын бұзғаны үшін ер адам сот шешімімен 3 тәулікке қамауға алынды.

Тағы бір оқиға Астана – Шымкент рейсіне отырғызу кезінде болды. Полиция мәліметінше, Шымкенттің 35 жастағы тұрғыны мас күйінде әуе компания қызметкерлеріне балағат сөздер айтып, айналасындағыларға кедергі келтірген.

"Өз әрекеті арқылы құқық бұзушы айналасындағыларға құрметсіздік танытып, басқа жолаушылардың тыныштығын бұзған. Аталған заңға қайшы әрекеттер де құқықтық тұрғыдан тиісті бағасын алды – ер адам қоғамдық орында мас күйінде болғаны және ұсақ бұзақылық жасағаны үшін жауапкершілікке тартылды", - деп бөлісті ведомство өкілдері.

Сот шешімімен ол 5 тәулікке қамалды.

Сондай-ақ полиция ұсталған азаматтардың екеуі де осыған дейін бір жыл ішінде әкімшілік жауапкершілікке тартылғанын нақтылады.

Тағы оқыңыз: Астанадан ұшқан жолаушы ішінде алтыны бар сөмкесі ұрланғанын айтты

Google News арқылы жаңалықтарымызды қадағалаңыз