Отаншыл маман даярлауды басты мақсат санаймыз

Мемлекет басшысы Қасым-Жомарт Тоқаевтың Ұлттық Құрылтайдың бесінші отырысында сөйлеген сөзі елдің дамуына қатысты маңызды бағдарларды айқындап берді. Соның ішінде Президенттің Абай іліміне, патриотизм мен жаңа дәуір талаптарына бейімделу мәселелеріне терең тоқталуы бүгінгі білім беру жүйесі үшін аса өзекті деп санаймын.

Абайдың «Толық адам» ілімі мен қазіргі «Адал азамат» тұжырымдамасының өзара сабақтастығы жас ұрпақ тәрбиесінде темірқазық болуы тиіс құндылықтар. Абай, Әл-Фараби, Қожа Ахмет Ясауи сынды ұлы ойшылдардың мұрасы – халқымыздың рухани-философиялық негізі. Бұл ілімдерді тек мерейтойлар қарсаңында ғана емес, күнделікті білім және ғылым саласында тәрбие жұмыстарының өзегіне айналдыру – біздің ортақ міндетіміз. Осы орайда Оңтүстік Қазақстан медицина академиясында Абай ілімін, ұлттық құндылықтарды білім алушылар арасында кеңінен насихаттауға бағытталған ғылыми-танымдық кездесулер, тәрбиелік іс-шаралар тұрақты түрде тұрақты түрде өткізіліп келе жатқанын айта кеткім келеді.

Сонымен қатар, Мемлекет басшысының мемлекеттік рәміздерге деген құрмет пен жауапкершілік туралы айтқан ойлары да ерекше маңызға ие. Көк Ту – тәуелсіздігіміздің, бірлігіміздің, елдік рухымыздың айқын белгісі. Президент атап өткендей, мемлекеттік рәміздерді қадірлеу – формалды талап емес, бұл әр азаматтың ішкі мәдениеті мен отаншылдық сезімінің көрінісі. Біз бұл ұстаныммен толық келісеміз. Академиямыздың білім алушылары бүгінде шетелдерде білімін жетілдіріп қана қоймай, халықаралық олимпиадалар мен байқауларда, ғылыми сайыстарда Қазақстанның көк Туын желбіретіп, ел абыройын асқақтатып жүр. Бұл – біз үшін үлкен мақтаныш.

Президенттің цифрландыру, жасанды интеллект және адам капиталы туралы айтқан ойлары да қазіргі заманның нақты талаптарына жауап береді. Біз өте күрделі, бірақ мүмкіндігі мол кезеңге қадам бастық. Білім мен ғылымға, жоғары технологияларға салынған инвестиция – елдің ертеңіне салынған инвестиция. Әсіресе, медицина саласында цифрлық технологиялар мен жасанды интеллектті тиімді пайдалану болашақ дәрігерлердің кәсіби бәсекеге қабілеттілігін арттыратыны анық.

Президент айтқандай, бүгінгі басты міндет – жалған жетістіктер мен формалды көрсеткіштерге емес, нақты нәтиже мен сапалы өзгерістерге ұмтылу. Оңтүстік Қазақстан медицина академиясы осы бағытты берік ұстанып, ел болашағы үшін жауапкершілігі жоғары, кәсіби білікті, рухани кемел, отаншыл мамандарды даярлауды басты мақсат санайды. Мемлекет басшысының бұл бастамалары мен ой-тұжырымдары біз үшін нақты әрекетке бастайтын маңызды бағдар.

Жанна СЕЙТЖАНОВА,

Оңтүстік Қазақстан медицина академиясының ректоры.

Соңғы жаңалықтар

Екі ел басшылары Давоста не жөнінде әңгімелесті?

Президент • Бүгін, 18:38

Қостанай қаласындағы балалардың неше пайызы аралас мектептерде білім алып жатыр?

Білім • Бүгін, 18:11

Маңғыстауда үш көлік соқтығысты: Бір адам ауруханаға жеткізілді

Оқиға • Бүгін, 17:45

«Каспий» командасының бас бапкері ауысты

Футбол • Бүгін, 17:33

Түркістан облысында К-21 каналы 40 жыл тазаланбаған

Аймақтар • Бүгін, 17:28

Атырауда сот шешімін орындамаған 18 шетелдік елден шығарылды

Аймақтар • Бүгін, 17:18

Алматыда алаяқтыққа қатысы бар 17,6 мың интернет-ресурс бұғатталды

Заң мен Тәртіп • Бүгін, 17:05

Бейбітшілік кеңесі БҰҰ-ға балама құрылымға айналуы мүмкін бе?

Саясат • Бүгін, 16:58

Промоутер Жәнібек Әлімханұлының допинг сынамасына қатысты пікір білдірді

Спорт • Бүгін, 16:42

Атырауда бір жылда жол апатынан 96 адам қайтыс болған

Аймақтар • Бүгін, 16:33

Қазақстан − Қытай шекарасында жер сілкінді: Зілзала алматылықтарға сезілді ме?

Оқиға • Бүгін, 16:25

Президент Бейбітшілік кеңесінің Жарғысына қол қойды

Президент • Бүгін, 16:18

Алматыда 350-ден астам сирек кітап көрмеге қойылды

Өнер • Бүгін, 16:03

Қарағандыда есірткі контрабандасымен айналысқан студент 15 жылға сотталды

Есірткі • Бүгін, 15:52

Президент Давостағы Конгресс орталығына барды

Президент • Бүгін, 15:43

Барлық жаңалықтар