“Өте ұзақ болған“ СІМ АҚШ та қазақстандықтың ұсталуы туралы

АҚШ-тың иммиграциялық қызметі (ICE) ұстаған Қазақстан азаматы Штаттарда ұзақ уақыт болған. Оның қазіргі жағдайына қатысты Қазақстан Сыртқы істер министрлігінің ресми өкілі Жанболат Үсенов пікір білдірді, деп хабарлайды Tengrinews.kz тілшісі.

Әйелге адвокат жалдады

Оның айтуынша, әйелдің АҚШ-та заңды көші-қон мәртебесі жоқ. Ол елде ұзақ уақыт заңсыз жүрген.

"Ол елде өте ұзақ уақыт болған. Қазір оның заңды құқықтарын қорғау үшін адвокат жалданды. Біздің қызметкерлер онымен және отбасымен байланыс орнатты", – деді Жанболат Үсенов.

Бұған дейін әлеуметтік желілерде қазақстандық әйел ұсталғаны туралы жазба жарияланған. Хабарлама авторы 12 қыркүйекте ICE қызметкерлері оның құрбысын – үш баланың анасын ұстағанын мәлімдеді.

"Анасын үйіне қайтару үшін отбасына legal fees (заң көмегіне жұмсалатын шығындар) және bond (иммиграциялық кепіл) төлеу керек", – делінген хабарламада.

Қазақстан Сыртқы істер министрлігі ұстау дерегіне қатысты ақпаратты растады.

"Қазақстан азаматын заңды миграциялық мәртебесінің болмауына байланысты Флорида штаты аумағында АҚШ иммиграциялық қызметі ұстады", – деп хабарлады ведомстводан.

Бұған дейін ICE АҚШ-та ер адам ұсталғаны туралы хабарлаған болатын, ведомство оны Қазақстан тумасы және "терроризмге қатысы бар деп танылған немесе күдіктелген тұлға" деп атады. Бұл ретте Америка ведомствосы егжей-тегжейлі мәліметті жарияламады, ал Қазақстан СІМ ақпарат тексеріліп жатқанын хабарлады.

Бізді Google-дың негізгі дереккөздер тізіміне қосыңыз