Өзбекстанда мешіттер төтенше жағдайларда хабар тарату құралына айналады

Пилоттық бастама аясында елді мекендерге жақын орналасқан мешіттерге арнайы құрылғылар орнатылып жатыр. Бұл ТЖМ шұғыл хабарламаларын мешіттердегі дауыс зорайтқыштар арқылы таратуға және кең аудиторияға тез хабарлауға мүмкіндік береді. 

Бүгінде құрылғылар Өзбекстанның жеті облысындағы 272 мешітке орнатылды: Жизақ, Қашқадария, Наманған, Самарқан, Сырдария, Ташкент және Ферғана.

— Мешіттерді таңдау кездейсоқ емес: олар дәстүрлі түрде жергілікті қауымдастықтарға айтарлықтай әсер ететін беделді әлеуметтік институттар ретінде қабылданады. Бұдан басқа, мешіттер барлық дерлік елді мекендерде орналасқан және 500-ден 2000 метрге дейінгі есту қашықтығын қамтамасыз ететін жоғары қуатты сыртқы динамиктермен жабдықталған, — деп хабарлайды Өзбекстандағы БҰҰДБ баспасөз қызметі. 

Жобаның есептеулеріне сәйкес, мешіттер арқылы тарату ерлер, әйелдер, балалар және осал топтар сияқты шамамен 6,5 млн адамды қамти алады.

Бұл ескерту арнасының қосымша артықшылығы — ұялы телефон немесе электр қуаты өшкен жағдайда да төтенше жағдайлар туралы хабарламаларды жіберу мүмкіндігінде.

Бұдан бұрын Қазақстан мен Өзбекстан Сырдария өзеніне суды есепке алатын құрылғыларды орнатып жатқаны мәлім болды.