Павлодар облысында қар құрсауынан 30 ға жуық адам құтқарылды

Барлығы 7 адам, оның ішінде қар тазалау техникасының жүргізушісі құтқарылды. Олардың барлығы Ертіс ауылына жеткізілді. Шарбақты ауданында қар құрсауында қалған автокөлік сүйретіліп шығарылып, 6 адам Шарбақты ауылына жеткізілді.

Байет ауылына кіреберіс жолда құтқарушылар жолдан шығып кеткен көлікке көмектесіп, 4 адамды елді мекенге дейін жеткізді. Павлодар ауданында жолда қар құрсауында қалған автокөлік шығарылып, 2 жолаушы Черноярка ауылына жеткізілді.

Сондай-ақ Екібастұз қаласында құтқарушылар жол талғамайтын көлікпен дәрігерлерге Құрылысшы ауылындағы төрт жастағы балаға жетуге көмектесті.

- ТЖМ азаматтарды қолайсыз ауа райы кезінде елді мекендерден тыс жерге шықпауға шақырады, - делінген хабарламада.

Айта кетейік, «ҚазАвтоЖол» ұлттық компаниясы елдегі жолдардың қазіргі ахуалы туралы хабарлаған еді.