Павлодар облысында балықшылар құтқарылды

Екібастұз полицейлері балық аулауға шыққан балықшыларды құтқарды.

Облыстық полиция департаментінің баспасөз қызметі таратқан мәліметке сүйенсек, оқиға сағат 07:30-да болған. Балықшылар мұз үстіне шығып, құрал-жабдықтарын түсіргеннен кейін автокөлік мұз астына кеткен. Оны шығару мүмкін болмапты. Оқиға орнына жедел жеткен учаскелік полиция инспекторы Архар Оспанов жағдайды дереу құтқарушыларға хабарлаған. Нәтижесінде 4 адам құтқарылды. Бәріне бірдей алғашқы медициналық көмек көрсетілді. Балықшылардың ешқайсысы зардап шеккен жоқ. Павлодар облысында бүгін ауа температурасы 35 градусқа төмендеді. Осыған байланысты өңірде күшейтілген режим енгізілді. Төтенше жағдайлар қызметі тұрғындарды қатты аяз кезінде алыс жолға шықпауға және сақтық шараларын қатаң сақтауға шақырады.