Павлодарда мектеп оқушысы итті қорғап, адамнан зардап шекті

Павлодарда 14 жастағы мектеп оқушысы 7 ақпанда Ломов көшесіндегі үйдің ауласында танымайтын әйелмен болған жанжалдан кейін жарақат алды.

Балалар омбудсмені берген ақпаратқа сәйкес, қыз өзінің итін қорғамақ болған, оған, оның айтуынша, көшедегі өтіп бара жатқан әйел ұрысып, шатақ шығарған. 

Хабарланғандай, ит көшеде үрген, содан кейін әйел жануарды тебуге тырысқан. Жасөспірім үй жануарын қорғаймын деп араша түскенде, өзі соққыға жығылған. Туыстары қызға қол көтерген әйелдің кім екенін анықтау үшін болған оқиға туралы ақпаратты әлеуметтік желіге жариялады. 

Жарияланымда «7 ақпанда сағат 19.30-да Ломов көшесі, 179/3 мекенжайында бейтаныс әйел екі баланы ұрып-соққан, содан кейін бір бала ауруханаға түсті» делінген.

Ақпаратты құқық қорғау органдары растады. Полицияның хабарлауынша, оқиғаға қатысты адамдардың барлығы анықталған, тексеру жүргізіліп жатыр. 

Бала құқықтары жөніндегі уәкіл Сәуле Шакенова да жағдайға қатысты өз пікірін білдірді. Оның айтуынша, қыз өз үй жануарын қорғаған, нәтижесінде соққы алып, бірнеше күн медициналық бақылауда болған.

14 ақпанда әйелге қатысты ҚР ҚК-нің 109-1-бабы («Ұрып-соғу») бойынша қылмыстық іс қозғалды.

Сонымен қатар, Павлодар облысының денсаулық сақтау басқармасы жасөспірімді ауруханаға жатқызудың қажеті болмай, тексеруден кейін оны үйге амбулаториялық бақылауға жібергенін нақтылады.

Бүгін, 10:10