Петропавлда іздеу жарияланған 73 жастағы әйелдің мәйіті табылды

Солтүстік Қазақстан облыстық полиция департаменті баспасөз қызметінің мәліметінше, 73 жастағы әйелдің денесі айналма жолдың маңынан табылды. Сараптама қорытындысы оның суықтан үсіп қайтыс болғанын көрсетті. 

Осы дерекке қатысты қазір сотқа дейінгі тергеу жүріп жатыр.

– Қазіргі уақытта оқиғаның барлық мән-жайын анықтауға бағытталған тергеу әрекеттері жүргізілуде. Қазақстан Республикасы Қылмыстық-процестік кодексінің 201-бабына сәйкес, өзге ақпарат осы кезеңде жариялауға жатпайды, - делінген полицияның хабарламасында. 

Бұған дейін де Петропавлда егде жастағы әйел далада қалып, мерт болған еді. 76 жастағы зейнеткер емханаға бармақ болып шығып, жолда адасып кеткен. Оны тек келесі күні ғана учаскелік полиция инспекторы адамдар сирек жүретін аумақта, аурухана маңындағы шаруашылық ғимараттың жанынан тапты. Жағдайы ауыр зейнеткер жедел түрде жедел жәрдем бригадасына тапсырылып, көрсетілген медициналық көмекке қарамастан, көз жұмды.