Президент әкімшілігінің бұрынғы басшысы жаңа партияға жетекшілік етеді

АСТАНА, 7 мамыр – Sputnik. Айбек Дәдебай жаңа "Әділет" партиясының төрағасы болып сайланды, деп хабарлайды Sputnik Қазақстан.

Бүгін саяси ұйымның құрылтай съезі өтті. Осы жиында партияның құрылғаны туралы жарияланып, төрағасы сайланды. Партия мүшелері президенттің реформалар бағытын жақтайтынын мәлімдеді.

Съезд кезінде саяси кеңес пен жарғы бекітілді. Жиынға Қазақстанның барлық аймағынан 1000-нан астам делегат қатысты.

Дәдебай туралы не білеміз?

Айбек Дәдебай 2001 жылы Абылай хан атындағы Қазақ халықаралық қатынастар және әлем тілдері университетін тәмамдаған. Сол жерден “аймақтану магистрі” мамандығын да алып шықты.

Еңбек жолын өз университетінде Халықаралық туризм менеджменті кафедрасының оқытушысы болып бастаған.

2008-2011 жылдары - ҚР Парламенті Сенаты аппаратының парламентаралық байланыстар және халықаралық ынтымақтастық бөлімінің сарапшысы, Сенаты төрағасы көмекшісінің міндетін атқарушы;

2011-2013 жылдары - ҚР БҰҰ-дағы Тұрақты өкілдігінің үшінші хатшысы, атташе;

2013-2019 жылдары - ҚР Парламенті Сенаты төрағасының хатшылығы меңгерушісінің орынбасары, меңгерушісі;

2019-2021 жылдары - ҚР Президенті Кеңсесі бастығының орынбасары;

2021 жылдың мамыры мен 2022 жылдың қаңтары аралығыда - ҚР Президенті Іс басқарушысының орынбасары;

2022 жылы - ҚР Президенті Іс басқарушысы;

Ал 2024 жылы ҚР Президенті әкімшілігінің басшысы болып тағайындалған.

Биыл 5 мамырда президенттің жарлығымен Айбек Дәдебай өз қызметінен босатылған болатын.