Президент Атырау облысының әкімі Серік Шәпкеновті қызметінен босатты

Мемлекет басшысының Жарлығымен Серік Жамбылұлы Шәпкенов Атырау облысының әкімі лауазымынан босатылды, – деп хабарлайды Aikyn.kz. 

Серік Жамбылұлы Шәпкенов 1979 жылы 29 шілдеде Батыс Қазақстан облысы Қаратөбе ауданы Қаратөбе ауылында дүниеге келген.

Білімі: 2000 жылы Батыс Қазақстан мемлекеттік университетін жоғарғы кәсіби білімді экономист-математик мамандығы бойынша тәмамдаған. 

2000 жылы Батыс Қазақстан мемлекеттік университетінде оқытушы болып бастаған.

2001-2002 жылдары Батыс Қазақстан қоршаған ортаны қорғау қорының жетекші маманы, Батыс Қазақстан табиғатты пайдалану дирекциясының жетекші маманы,

2002-2006 жылдары Батыс Қазақстан облыстық Қаржы басқармасының жетекші, бас маманы,

2006-2007 жылдары Батыс Қазақстан облыстық Ауыл шаруашылығы департаменті әкімшілік бөлімінің бастығы, директордың орынбасары,

2007-2009 жылдары Батыс Қазақстан облыстық Экономика және бюджеттік жоспарлау департаменті директорының орынбасары қызметтерін атқарған.

2009-2012 жылдары Батыс Қазақстан облыстық Экономика және бюджеттік жоспарлау басқармасының бастығы болған.

2012 жылғы қаңтардан 2012 жылғы тамызға дейін Батыс Қазақстан облысы әкімінің орынбасары,

2012 жылғы тамыздан 2015 жылғы қаңтарға дейін Батыс Қазақстан облысы әкімінің бірінші орынбасары.

2015 жылғы қаңтардан 2016 жылғы шілдеге дейін Қазақстан Республикасының Президенті Әкімшілігі Мемлекеттік бақылау және аумақтық - ұйымдастыру жұмысы бөлімінің мемлекеттік инспекторы қызметін атқарған.

2016 жылдан 2018 жылғы 28 маусымға дейін Атырау қаласының әкімі лауазымын атқарды.

2018 жылдан - Атырау облысы әкімінің орынбасары

2020 жылдан – Еңбек және халықты әлеуметтік қорғау министрінің орынбасары.

2021— 2022 жылдары — Еңбек және халықты әлеуметтік қорғау министрі.

2022 жылдың 7 сәуірден бастап Атырау облысының әкімі болып тағайындалды