Қай мемлекеттегі учаске жұмысын ең бірінші бастайды

Токиодағы дауыс беру орталығы жергілікті уақытпен сағат 07:00–де жұмысқа кіріседі.

Ал ҚР Сыртқы істер министрлігінің мәліметінше, АҚШ-тың Сан-Франциско шаһарындағы учаске ең кеш ашылады.

Бұған дейін хабарлағанымыздай, референдум күні 54 елдегі Қазақстан азаматтары дауыс бере алады. Шет мемлекеттерде 71 учаске ашылды. Ал шетелдерде дауыс беретін Қазақстан азаматтарының саны — 14 230 адам.

Сондай-ақ шетелдерде референдум комиссиялары құрылған. Олардың барлық мүшесі «Республикалық референдум туралы» ҚР конституциялық заңы және адам құқықтары мен қажеттіліктерін білу бойынша арнайы тестілеуден өтіп, сертификат алған.