Қалқанша безі түйіндерін емдеудің тың тәсілі

Кардиология және ішкі аурулар ғылыми-зерттеу институтында (КІҒЗИ) Ресей ғылым академиясының профессоры Сергей Артеменконың қатысуымен жүрек кеселімен туған студент қызға күрделі операция жасалды. Сәтті орындалған операцияның арқасында дәрігерлер 18 жастағы алматылық бойжеткеннің өмірін сақтап қалды.

Пациенттің былтырдан бастап жүрек қағысы жиілеп, басы айналып, ауырып, дерті жан шыдатпаған. Науқасқа эхокардиография, ЭКГ холтерлік мониторинг пен зертханалық талдаулар жүргізілген кезде PQ интервалының қысқарғаны, электрлік импульстің жүрек­шелерден қарыншаларға тым жылдам өтуі, дельта-толқын мен Вольф–Паркинсон–Уайт синдромының басқа да белгілері пайда болғаны анықталады. Жоға­рыдағы ауру белгілері жүрек­те қосымша электр өткізгіш жолының пайда болуынан туын­дайды.

Пациентті жүрек ырғағы мен өткізгіштігінің бұзылуы бөлімшесінің интервенциялық аритмологі Бауыржан Ерболатов тексере келе, оған жүрекішілік электрофизиологиялық зерттеу жүргізу, қосымша электр жолын радиожиіліктік абляция әдісімен жою мақсатында ауруханаға жатқызады.

Медицинадағы мұндай кли­никалық жағдайдың ерек­шелігі – қосымша жол жүректің негізгі өткізгіштік жүйесіне өте жақын орналасқандықтан, науқастың жүрегі кенеттен тоқтап қалу қаупін ұлғайта түседі. Сондықтан заманауи 3D-навигациялық жүйенің көмегімен пациентке толық электроанатомиялық карта жасалып, радиожиілікті абляция сәтімен жүзеге асты. Жүректегі кеселді жолдың ана­томиялық орналасуының күр­делілігіне байланысты операция төрт сағатқа созылды.

«Клиникада жүрек ырғағы мен өткізгіш жүйесінің бұзы­лысы кезінде қажет болатын бар­лық хирургиялық операциялар жасалады. Өйткені бізде озық технологиялар, соның ішінде 3D-картографияға арналған навигациялық жүйелер бар. Шетелдік мамандар тұрақты түрде шеберлік сабақтарын өткізіп тұрады. Қазір ресейлік маман Сергей Артеменконың қатысуымен күрделі жүрек ауруларын емдеуге арналған сондай сабақтар өтіп жатыр. Осы дәрістердің аясында МӘМС есебінен 30 операция жасау жоспарланған», дейді бөлімше меңгерушісі Бағдат Ахыт.

Орайы келіп тұрғанда КІҒЗИ қалқанша безі түйіндерін емдеудің жаңа әдісін қолға алғанын да айта кеткен жөн. Бұл бастама науқастарға операция үстеліне жатпай, пышаққа түспей-ақ сауығуға жол ашып отыр. «Қалқанша безі түйіндерін емдеудегі зақымы барынша аз технологиялар» атты шеберлік сабағы аясында Оңтүстік Корея­дан келген профессор Хван Ён Джинмен бірге мамандарымыз 6 науқастың қалқанша безіне радиожиілікті абляция жасады. Радиожиілікті абляция дегеніміз – қалқанша безі түйіндерін хирургиялық операциясыз ем­деудің заманауи әдісі. Ем-дом барысында радиожиілікті токтың әсерімен қалқанша безінің сау тіндеріне зақым келтірілмей, патологиялық жасушалар жойы­лады.

Эндокринологтерге арнал­ған шеберлік дәрісіне іліккен 26 жастағы ең жас пациентке қалқанша безінің оң бөлігінде көлемі 4,4 см болатын уытты емес біртүйінді зоб диагнозы қойылған. Медицинада бұл ірі түйін деп есептеледі әрі мойын жолдарын қысатындықтан, көп жағдайда хирургиялық емдеуді талап етеді. 56 жастағы Алматы облысының тұрғынынан қалқанша безінің екі бөлігінде көлемі 4,3 см болатын уытты емес көптүйінді зоб анықталған. Пациенттің тыныс алуы, жұтынуы қиындап, ас, су ішкенде ауырып, тамақта бөгде зат тұрғандай, жыбырлау, жөтел белгілері мазалаған.

Клиниканың интервенция­­лық хирургі Арман Ибраев қал­қан­ша безіне жасалатын абляция наркозсыз жүргізілетінін айтады. Процедура 30 минуттан аса уақытқа созылуы мүмкін, кейде күрделілігіне қарай бір сағаттан асады. Алайда жоға­ры­да­ғы технологиямен 20 жылдай айналы­сып келе жатқан шетел­дік профессордың кәсіби шебер­­лігінің арқасында ем-дом шара­лары бірнеше минут ішінде жылдам атқарылды.

Соңғы жаңалықтар

Қор нарығында доллар арзандады

Қаржы • Бүгін, 09:28

Көктемгі дала жұмысы қарқын алды

Шаруашылық • Бүгін, 09:10

Қаладан ауылға бетбұрыс

Ауыл • Бүгін, 09:05

ЖИ агенттерінің жәрдемі

Жасанды интеллект • Бүгін, 09:00

Таңдайдан кетпес ұлт дәмі

Кәсіпкер • Бүгін, 08:58

Қолжетімді сапалы дерек

Digital • Бүгін, 08:55

Саладағы цифрлық серпін

Білім • Бүгін, 08:53

Логопед таппаған ата-ана, маманға зәру мектеп

Білім • Бүгін, 08:50

Пластик қалдығы пайдаға жарады

Аймақтар • Бүгін, 08:48

Қалқанша безі түйіндерін емдеудің тың тәсілі

Медицина • Бүгін, 08:45

Жанға жайлы жатақхана

Аймақтар • Бүгін, 08:43

Шынайы өнер шеруі

Театр • Бүгін, 08:40

Терең тағылым

Руханият • Бүгін, 08:38

Шипа іздеп шетел асудың қажеті жоқ

Медицина • Бүгін, 08:35

«Наршаның сөзі – баршаның сөзі»

Руханият • Бүгін, 08:32

Барлық жаңалықтар