Қарағанды облысында шариғат жолымен кәмелетке толмаған қызды жар еткен ер адам сотталды

2026 жылғы 1 сәуірде Қарағанды облыстық сотының қылмыстық істер жөніндегі сот алқасы "шариғат" заңдары бойынша анасы мен өгей әкесі, оның келісіміне қарамастан тұрмысқа берген (15 жас) кәмелетке толмаған А-ны зорлады деп айыпталған ер адамға қатысты қылмыстық істі қарады.

"2025 жылдың 11-13 наурызы аралығында К. кәмелетке толмаған А-мен бірге жалдамалы пәтерде болған кезде, оның жасын біле тұра онымен бірнеше рет жыныстық қатынасқа түскен", делінген сот хабарламасында.

Ер адам сотталды. Бірақ айыпталушы мен оның адвокаттары апелляциялық шағым түсірді. Сот алқасы қылмыстық істі қайта қарап, бірінші сатыдағы сот үкімін өзгеріссіз, апелляциялық шағымдарды қанағаттандырусыз қалдырды. Сот алқасының істі қарау нәтижесінде, облыс прокурорына да жеке қаулы шығарылды.

Естеріңізге салсақ, бұған дейін Қарағанды облысының қылмыстық істер жөніндегі мамандандырылған ауданаралық сотының 2025 жылғы 16 қазандағы үкімімен Қ. ҚК-нің 120-бабы 3-1-бөлігі 1-тармағы бойынша 17 жылға бас бостандығынан айырылып, педагогикалық лауазымдар мен кәмелетке толмағандармен жұмыс істеуге байланысты лауазымдарды атқаруға өмір бойына тыйым салынған.

Кәмелетке толмаған жәбірленуші А. мүддесінде моральдық зиянның өтемақысын өндіріп алу туралы заңды өкілдің азаматтық талабы ішінара қанағаттандырылды, 3 000 000 теңге мөлшерінде өтемақы сомасы өндірілді, қалған бөлігінде бас тартылды.

Бірінші сатыдағы сот актісі заңды күшіне енді. 

Бұған дейін Ақмола облысында 24 жыл бұрын әйелді зорлап, қатыгездікпен өлтірген ер адам сотталғаны хабарланған.