Қарағанды облысының құтқарушылары қыс мезгіліне дайын

Қарағанды облысының құтқарушылары қысқа сақадай сай.

1700-ден астам техника түгел тексеруден өтіп, кез-келген жағдайға дайын тұр. Төтенше жағдайлар қызметі жаңа байланыс және жедел әрекет ету көлігіне қол жеткізді. Ол заманауи цифрлық байланыс жүйелерімен жабдықталған.

Биыл төтенше жағдайлар қызметі жедел әрекет етуге арналған заманауи көлік сатып алды. Ол жерсеріктік байланыс және бейнетрансляция жүйесімен жабдықталған. Техникада басқару пункті орналасқан. Оны кез-келген жағдайда оқиға орнына шұғыл жеткізуге мүмкіндік бар.

Мұхамед Рақымбаев, Қарағанды облысы ТЖД бөлімінің бас маманы:

- Мұндай көлік арқылы біз дала өрттері мен кез келген төтенше жағдайға тез жетеміз. Бұл шағын командалық-штабтық машина іспетті. Байланыс жоқ жерде де ақпаратты жедел жеткізуге мүмкіндік бар. Уақытпен санасуға болмайтын сәттерде бұл біз үшін аса маңызды.

Құтқарушылардың мәліметінше, барлық техника қыс маусымына дайын. Автопарк қарда жүретін көліктермен және ауыр техникамен толықты. Өткен қыста дәл осы көліктер қар құрсауында қалған тұрғындарға дер кезінде көмек көрсетіп, ондаған адамды аман алып қалған.

Нұржан Жақатаев, Қарағанды облысы ТЖД басқарма бастығы:

- Аталған адамдар және техникалар ол біздің облыстық төтенше жағдайлар департаменті, полиция департаменті және әскери бөлімдердің күштері мен құралдары. Сонымен қоса облыстық азаматтық қорғау жүйесінің күштері мен құралдары жатады. 

Өткен қыста төтенше жағдайлар департаменті 215 адамды құтқарып, 2 мыңға жуық тұрғынды қар құрсауынан эвакуациялаған. Құтқарушылар кез-келген сәтте көмек көрсетуге дайынбыз, дейді.  

Нұрлан Жақыпбеков, Лиана Жамлиханова, Сайран Ақамбаев, Аман Хамит