Көлігіңіз қыс мезгіліне дайын ба?

Шығыс Қазақстан облысының полиция департаменті облыс тұрғындары мен қонақтарына көлік құралдарын қысқы маусымға дайындау қажет екенін еске салды, – деп хабарлайды Aikyn.kz.

Полиция қызметкерлері жүргізушілермен профилактикалық жұмыстар жүргізіп, жазғы дөңгелектерді уақытылы қысқы дөңгелектерге ауыстырудың, сондай-ақ автокөліктің техникалық жағдайын, әсіресе тежегіш жүйесін, жарық беру құралдарын және аккумуляторды тексерудің қажеттілігін түсіндіруде. Бұл шаралар жол-көлік оқиғаларының алдын алып, жолдағы қауіпсіздікті қамтамасыз етуге көмектеседі.

Полицейлер жаяу жүргіншілерді де сақтық шараларын естен шығармауға шақырады. Жолдан өткен кезде абай болыңыздар, қараңғы уақытта жарық шағылғыстырғыш элементтерді қолданыңыздар — бұл сізді жүргізушілер үшін көзге бірден түсетін етіп, өміріңіз мен денсаулығыңызды сақтап қалады, - делінген полиция ескертуінде.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.