Қарағандыда 58 мың тұрғын жылу ақысын жоғары тарифпен төлеп келген

Қарағанды қаласы Қазыбек би ауданының прокуратурасы табиғи монополиялар саласындағы заңнаманың сақталуына талдау жүргізді.

— «Табиғи монополиялар туралы» Заңының 26-бабы 2-тармағының 11) тармақшасына сәйкес, табиғи монополия субъектісі сырттағы ауаның нақты температурасын ескере отырып, жылу энергиясын өткізу бойынша реттеліп көрсетілетін қызметтің құнын тұтынушыларға тікелей не тұтынушының тұрған жерін анықтау мүмкін болмаған жағдайда, жылу энергиясын өткізу бойынша реттеліп көрсетілетін қызметке ақы төлеу кезінде тарифті төмендету арқылы қайта есептеуді жүргізуге міндетті, — делінген хабарламада.

Қадағалау қызметінің нәтижелері бойынша ЖШС «Теплотранзит» 2024-2025 жылдардағы жылыту кезеңіндегі сыртқы ауаның нақты температурасын ескере отырып, жылумен жабдықтау қызметтерінің құнын қайта есептеу бойынша міндеттемелерді орындамағаны анықталды.
Прокурорлық қадағалау актісін қарау қорытындысы бойынша Серіктестік 58 мыңнан астам тұтынушының қаражатын жалпы сомасы 100 миллион теңгеге қайта есептеді.
Прокуратура органдары азаматтардың құқықтары мен заңды мүдделерін қорғауды қамтамасыз ете отырып, заңнаманың сақталуын үнемі бақылайды.

Бұған дейін Талғарда 33 кәсіпкер электр энергиясын жоғары тарифпен төлеп келгені анықталған еді.