Ұлттық қор балаларға : тұрғын үй мен білім ақысын төлеуге 186 мың өтінім берілді

АСТАНА, 22 қазан — Sputnik."Ұлттық қор – балаларға" бағдарламасы аясында тұрғын үй жағдайын жақсартуға және білім беру ақысын төлеуге 186 мың өтінім берілді, деп хабарлайды Sputnik Қазақстан үкіметтің баспасөз қызметіне сілтеме жасап.

Оның ішінде жалпы сомасы $22,9-дан астам болатын 156 мың өтінім орындалды.

2025 жылы Қазақстан Республикасының кәмелетке толмаған 6,9 млн азаматының әрқайсысына $100-ден астам қаражат аударылды. Бағдарлама кәмелетке толмаған балалар үшін жинақтаушы білім беру капиталын қалыптастырады.

Еске сала кетейік, мемлекет басшысы Қасым-Жомарт Тоқаев Конституцияның 30 жылдығына арналған халықаралық ғылыми-практикалық конференцияда жер және барлық табиғи ресурс халыққа тиесілі екені Конституцияда айқын көрсетілгенін атап өтті.

"Осы қағидатты іс жүзінде орындау үшін маңызды шаралар қабылданды. Менің тапсырмаммен "Ұлттық қор – балаларға" бағдарламасы әзірленді. Қордың жыл сайынғы инвестициялық табысының жартысы балалардың арнайы есепшотына жіберілетін болды", - деді президент.

Былтырдан бері Ұлттық қордан 1,5 миллиард доллардан астам қаржы бөлінді.