Қарағандыда студенттік жобалар байқауы өтті

Қарағанды тау-кен колледжінде студенттік жобалар байқауы өтті. Студенттер дәнекерлеу ісі, слесарлық, құрылысшы, энергетика және тау-кен мамандықтары бойынша 10 жоба ұсынды. Арасында ерекше тапқырлықпен жасалған тың жобалар бар. 

Мысалы, электр жүйесі жүргізілген үй макеті, немесе шахтаға түсіретін жеделсатысы бар конвейер цехының жобасы ерекше.  Қазылар алқасының шешімімен екінші курс студенті жасаған әмбебап дәнекерлеу үстелі  үздік жоба деп танылды.

Елена Птицына, тау-кен колледжінің арнайы пәндер мұғалімі:

- Бұл байқаудың мақсаты - студенттердің ерекше қабілетін, кәсіби дағдысын дамыту. Өзінің шығармашылық идеяларын жүзеге асыруға мүмкіндік беру. Байқауға түрлі жұмысшы мамандықтар бойынша студенттер қатысты. Жыл өткен сайын қатысушылар саны көбейіп, бәсеке артып келеді.