Қарағандыны түтін басты: тұрғындар түтінге оранған аудандардың видеосын жариялауда

Қарағандыны қою түтін басты. Қалада күйік иісі қолқаны қабады. Әлеуметтік желілерде түтін тұмшалаған көшелер мен қала аудандарының видеосы тарап жатыр. Тұрғындар не болып жатқанын сұрап, қою түтіннен тыныс алу мүмкін емес екенін жазып жатыр, - деп хабарлайды Tengrinews.kz тілшісі.

Әлихан Бөкейхан атындағы ауданда құрғақ шөп пен бұталар өртенген. "Восток" шағынауданының Сахалин учаскесіндегі өрт алдын ала мәлімет бойынша жеті гектар аумаққа жайылған.

"Қазіргі уақытта өртті оқшаулау және жою жұмыстары жүргізіліп жатыр", — деп хабарлады Қарағанды облыстық ТЖД баспасөз қызметі.

Instagram-дағы бұл жарияланымды көру

NEWS Karaganda-Ulytau (@newskor.krg) жариялаған материал

Облыс әкімдігі күйік иісі желдің бағытына байланысты қала ішіне таралуы мүмкін екенін түсіндірді. Тұрғындарды өрт қауіпсіздігі шараларын сақтауға шақырды.

Сонымен қатар, түтін Қарағандының орталығында да байқалады.

ҚАЗІР ТАЛҚЫЛАНЫП ЖАТЫР

306 заңбұзушылық: Астанада жүргізуші жазаланды

Кеше 18:00 1

Қала аспанын сұр түтін торлап, салдарынан күн бұлыңғыр тартқан.

Ауада күйік иісі сезіледі.

Фото Tengrinews.kz

Бұл суреттер бүгін Қарағандының орталығында түсірілген.

Бұл уақытта Қарағанды облысының Қарқаралы ауданында, Бесоба ауылы маңында тағы бір ірі өрт сөндіріліп жатыр. Өрт ашық аумақ пен баруы қиын таулы жерлерге жайылып жатыр. Жағдайды қатты жел мен жер бедері қиындата түскен.

Instagram-дағы бұл жарияланымды көру

NEWS Karaganda-Ulytau (@newskor.krg) жариялаған материал

Жекелеген өрт ошақтарын сөндіру үшін оқиға орнына су төгетін құрылғысы бар "Қазавиақұтқару" тікұшағы жіберілген. Әуеден екі рет су тасталды.

Фото: Қарағанды облысы ТЖД

ТЖД-да жедел штаб құрылды, елді мекендерге қауіп төніп тұрған жоқ. Өрттің шығу себептері анықталып жатыр.

Бұған дейін Қарағанды облысының Шет, Ақтоғай, Бұқар Жырау және Қарқаралы аудандарында дала өрттері тіркелген болатын. Өртті оқшаулау мен жоюға, елді мекендерді қорғауға ТЖМ мен жергілікті атқарушы органдардың күштері мен құралдары жұмылдырылды. Оқиға орындарына 620 маман мен 134 техника жіберілді, жағдайға тұрақты мониторинг жүргізіліп жатыр. Қатты жел жағдайды қиындатып отыр, деп хабарлады бұған дейін ТЖД өкілдері.

Бізді Google-дың негізгі дереккөздер тізіміне қосыңыз