Қазақ аруы Кореядағы дүниежүзілік модельдер байқауында жүлделі орын алды

Қазақ қызы Оңтүстік Кореяда өткен дүниежүзілік модельдер байқауында 3-орынға ие болды.

Нұржанат Жолмырза қазақ ұлттық киімін көрсетіп, қазылар алқасын әсем жүрісімен және бірнеше шет тілін білетіндігімен тәнтті етті. Ана тілінен бөлек ол орысша, кәрісше және ағылшынша сөйлей алады. «K-Seoul» әлемдік модельдер байқауына шамамен 50 елдің өкілдері қатысты. Нұржанат подиумға екі рет заманауи және дәстүрлі киіммен шықты. Ақтөбе облысының тумасы Кореяға отбасымен бірге Астанадан көшіп келген. Екі ұл тәрбиелеп отыр. Бір жыл бұрын модель мамандығын меңгеруді бастаған жересіміз қазір түрлі іс-шараларда өнер көрсетіп жүр.

- Мен әсем Қазақстаннан келдім. Мен модель және 2 ұлдың анасымын.    

Нұржанат Жолмырза, "K-Seoul" дүниежүзілік модельдер байқауының жеңімпазы:

- Мен бұл байқауға қатысуға шешім қабылдадым, себебі қазақ мәдениетін және Қазақстанды Оңтүстік Кореяда танытқым келді. Біз бұл елде 6 жыл өмір сүріп жатырмыз, бірақ Отанымызды ешқашан ұмытпаймыз. Қазақстан әрдайым жүрегімізде.

Ким Дэ Хан, "K-Seoul" әлемдік модельдер байқауы ұйымдастыру комитетінің төрағасы:

- Сеул қаласы әкімдігінің қолдауымен өтетін «K-Seoul» әлемдік модельдер байқауы тек бүгінгі шарамен шектелмейді. Біз оны халықаралық деңгейдегі ірі жаһандық байқауға айналдыруды мақсат етеміз. Жеңімпаздарға ақша мен бағалы сыйлықтар табыстадық. Сондай-ақ олардың модельдік мансабын жалғастыруына және дамуына қолдау көрсетеміз.