Qazaqgaz Aimaq 36 мың ваучерді онлайн берді

Елде кейбір әлеуметтік санат-тағылар, тауарлық газға берілетін жеңілдікті электронды ваучер түрінде ала алады. QazaqGaz Aimaq компаниясы, бұл қызмет түрін «Әлеуметтік әмиян» цифрлық сервисі арқылы көрсетеді. Сонымен қатар арнайы әзірленген мобилді қосымша арқылы, кез келген азамат, тұтынган газ көлемінің есебін жолдай алады.

QazaqGaz Aimaq компаниясы цифрландыру бағытына басымдық беріп отыр. Былтыр Батыс Қазақстан облысы мен Шымкент қаласында «Әлеуметтік әмиян» сервисі пилоттық режимде енгізілген еді. Ол платформа арқылы атаулы әлеуметтік және тұрғын үй көмектерін алатын отбасыларға жеңілдік автоматты түрде беріледі. Жоба оң нәтиже көрсетіп, биыл шілдеден бастап әр өңірде қолдалынып жатыр. 

Дауржан Дарбузов, Qazaqgaz Aimaq АҚ маркетинг және цифрландыру жөніндегі басқарушы директоры:

- ЕgovMobile қосымшасында іске қосылып, шамамен 36 мың отбасыға бүгінгі таңда көмек көрсетілді. Көмектің нәтижесі 2 млн текше метр газды 14 млн теңге жеңілдікпен қолданды. 2024 жылға дейін бұл көмек көрсетілмеген. Үкімет тарапынан көмек көрсету үшін осы жоба коммуналдық компаниялар арасында QazaqGaz Aimaq бірінші болып тұр.

Бұған қоса, кез келген тұтынушы енді техникалық шарт жасасу үшін кеңселерге барып, ұзын-сонар кезекке тұрып әуре болмайды. Ол үшін еGov платформаcын қолданса жеткілікті. Тиісті құжаттар небәрі 10-20 минут ішінде рәсімделеді.

Дауржан Дарбузов, Qazaqgaz Aimaq АҚ маркетинг және цифрландыру жөніндегі басқарушы директоры:

- ЕgovMobile қосымшасы мен еGov сайтында техникалық шартты онлайн түрде алуға болады. Айтып өтсек, жылына QazaqGaz Aimaq 100-120 мың техникалық шарт береді. Оның ішінде 70-73 пайызы онлайн түрде беріледі.

Ал тұтынған газ көлемінің есебін әр абонент суретке түсіріп, QazaqGaz Aimaq компаниясының мобильді қосымшасы арқылы жолдай алады. Жасанды интеллект ондағы цифрларды өздігінен танып, ақпараттық жүйеге енгізеді. Қазір мобилді қосымшаға 560 мыңнан астам адам тіркелген. 

Авторлары: Еркебұлан Смадияров, Абдулхамит Бөлекбаев