Қазақстан әлемдік энергетикада маңызды рөлін сақтап келеді Shell концернінің өкілі

Оның айтуынша, Қазақстан жаһандық энергетикалық жүйеде маңыздылығын сақтап келеді және энергия ресурстарын жеткізудің тұрақтылығын қамтамасыз етіп отыр

— Қазақстан әлемдік энергетиканың маңызды элементі екені анық. Бұл тек ресурстар мәселесі ғана емес, яғни Қазақстан салада қойылған міндеттерді оңтайлы жүзеге асырып келеді. Қазақстанда ресурстар ғана емес, сонымен қатар күшті кадрлық әлеует пен көптеген өсу нүктесі бар екенін атап өткім келеді. Мен үшін жұмыс барысында бұл жерде даму мүмкіндіктері әлдеқайда кең екені белгілі болды. Бұл жалпы салаға да, жеке жобаларға да қатысты, — деді Сюзанн Куган.

Оның сөзіне қарағанда, Қазақстанда өте күрделі технологиялық жағдайлар жиі кездеседі.

Алайда, ынтымақтастық пен халықаралық технологияларға сүйене отырып, көптеген жобалар жоғары деңгейде жүзеге асырылып келеді. Бұл жұмыс істеп тұрған кен орындарына да, жаңа бастамаларға да қатысты.

Компанияның басымдықтарының қатарында жергілікті қамтуды дамыту және қазақстандық мамандарды тарту ескерілген.

— Бүгінде Қазақстанда біздің компания қызметкерлерінің 95-96 пайызын жергілікті мамандар құрап отыр. Осы ретте шетелдік қызметкерлер саны аз ғана. Бұл өз кезегінде жергілікті қамтуды дамытуға және ұлттық кадрларды қолдауға деген көзқарасымызды айқын көрсетіп отыр, — дейді Сюзанн Куган.

Бұған дейін хабарланғандай, «ҚАЗМҰНАЙГАЗСЕРВИС-2026» конференциясында Энергетика вице-министрі Ерлан Ақбаров ірі кен орындарындағы отандық тауар өндірушілердің үлесін кеңейтуге қатысты түсінік берді.