Қазақстан бейтарап мемлекеттерді әскери әрекеттерге тартуға қарсы министр

АСТАНА, 25 наурыз – Sputnik. Сыртқы істер министрі Ермек Көшербаев БАӘ әріптесі шейх Абдалла бен Заид Әл Наһаянмен телефон арқылы сөйлесті.

Ведомство басшысы Қазақстан бейтарап мемлекеттердің әскери әрекеттерге қатысуына қарсы және аймақтағы елдердің егемендігі мен аумақтық тұтастығын бұзуды қолайсыз деп санайтынын жеткізді.

Көшербаев ахуалды халықаралық құқық қағидаттары негізінде жедел түрде деэскалациялау және дағдарысты саяси-дипломатиялық жолмен реттеу қажеттігіне назар аударды.

Қазақстан СІМ басшысы БАӘ аумағында болған ҚР азаматтарын эвакуациялауға көрсеткен жәрдемі үшін әріптесіне алғыс білдірді.

Тараптар екіжақты ынтымақтастықты одан әрі нығайтуға, сондай-ақ халықаралық және өңірлік ұйымдар аясында іс-қимылдарды үйлестіруді жалғастыруға дайын екендерін растады.