Қазақстан командасы Азия кубогында 6 медаль жеңіп алды

АСТАНА, 26 сәуір – Sputnik. Қазақстан командасы Азия кубогында 6 медаль жеңіп алды.

Бүгін Корея Республикасының Чхунджу қаласында академиялық ескек есуден Азия кубогының финалдары аяқталды.

Еліміздің Ұлттық құрамасы бәсекеде 2 алтын, 3 күміс және 1 қола медаль еншіледі.

Алтын медаль:

Иван Чернухин мен Владислав Яковлев (әр спортшыда 1 ескектен, жұптық сын);

Владислав Яковлев, Иван Чернухин, Алексей Красновский, Владислав Галкин (4 адамдық ерлер командасы (әр спортшыда 1 ескектен жұптық сын)).

Күміс медаль:

Бауыржан Сұлтанов пен Александр Афанасьев (жеңіл салмақтағы жұптық жарыс, қос ескек);

Мария Чернец пен Екатерина Носкова жұбы (әйелдер арасында жеңіл салмақ);

Артём Матусевич (жекелей сын, ерлер арасындағы жеңіл салмақ).

Қола медаль:

Роза Кеңес (әйелдер арасындағы жеңіл салмақ).

Сонымен қатар А финалында жүлдеге таласқан Бапан Асханбек, 4 адамдық әйелдер командасы (әр адамда бір ескекті), 4 адамдық ерлер құрамасы мен Анастасия Кулинич 4-болып мәреге жетті.

Айта кетейік, жарысқа 15 мемлекеттен 383 спортшы қатысты. Жалпыкомандалық есепте Гонконг командасы (5 алтын, 1 күміс, 1 қола) 1-орын алса, Вьетнам мен жарыс қожайыны Корея үштікті түйіндеді. Қазақстан спортшылары 4-орынға тұрақтады.