Қазақстан мен Әзербайжан автотасымалдарға рұқсаттарды электронды форматқа көшіреді

АСТАНА, 29 маусым – Sputnik. Қазақстан мен Әзербайжан келер жылдан бастап автотасымалдарға арналған рұқсаттарды толықтай электронды форматқа көшіреді.

Бұл туралы Баку қаласында Халықаралық автомобиль қатынасы мәселелері жөніндегі Қазақстан-Әзербайжан аралас комиссиясының кезекті отырысынд айтылды.

© Министерство транспорта КазахстанаҚазақстан мен Әзербайжан автотасымалдарға рұқсаттарды электронды форматқа көшіреді

Қазақстан мен Әзербайжан автотасымалдарға рұқсаттарды электронды форматқа көшіреді

© Министерство транспорта Казахстана

"Отырыс қорытындысы бойынша тараптар 2027 жылдан бастап қағаз түріндегі рұқсат бланкілерінен толықтай бас тартып, e-Permit жүйесі арқылы рұқсаттарды рәсімдеу мен алмасуды толық электрондық форматқа көшіру туралы келісімге келді. Бұл шешім цифрлық технологияларды енгізудің оң тәжірибесі мен халықаралық автомобиль тасымалдарында электрондық рұқсаттарды қолданудың тиімді нәтижелерін ескере отырып қабылданды", - дейді Көлік министрлігі.

Отырыс барысында электрондық құжат айналымына көшу әкімшілік рәсімдерді оңтайландырып, тасымалдау үдерісінің ашықтығын арттыруға және халықаралық тасымалдарды рәсімдеу уақытын қысқартуға мүмкіндік беретіні атап өтілді.

Сондай-ақ тараптар екіжақты және транзиттік жүк тасымалдарын дамытуға қатысты өзекті мәселелерді талқылады. Кездесу барысында екі ел арасындағы жүк тасымалы көлемінің тұрақты өсіп келе жатқаны, сондай-ақ Қазақстан мен Әзербайжанның халықаралық көлік дәліздерін дамытуда маңызды рөл атқаратыны атап өтілді.

Тасымалдаушылардың өсіп келе жатқан сұранысын қамтамасыз ету мақсатында тараптар 2026 жылға қосымша 6 000 электрондық рұқсатпен өзара алмасуға келісті.

"2027 жылға арналған рұқсаттардың алдын ала квотасы 28 000 бірлік көлемінде келісілді. Бұл алдыңғы кезеңмен салыстырғанда 12 000-ға артық. Квотаның ұлғаюы халықаралық автомобиль тасымалдарына сұранысты қамтамасыз етуге және Қазақстан мен Әзербайжан арасындағы сауда-экономикалық ынтымақтастықтың одан әрі дамуына ықпал етеді.

Отырыс қорытындысы бойынша тараптар көлік саласындағы ынтымақтастықты одан әрі нығайтуға дайын екендіктерін растап, Қазақстан мен Әзербайжан арасындағы халықаралық автомобиль тасымалдары саласындағы әріптестікті дамытудың маңыздылығын атап өтті.