Қазақстан мен Қатар қылмыскерлер туралы ақпарат алмасады

АСТАНА, 30 қыркүйек – Sputnik. Құрылтай депутаттары Қазақстан мен Қатар арасындағы қылмысқа қарсы ынтымақтастық туралы келісімді ратификациялады, деп хабарлайды Sputnik Қазақстан.

Келісім ұйымдасқан қылмысқа, террористік және экстремистік қылмыстарға, есірткінің, психотроптық заттар мен олардың прекурсорларының заңсыз айналымына, заңсыз көші-қонға және адам саудасына қарсы күрес бойынша өзара іс-қимылды реттейді.

Екі елдің құзіретті органдары бір-біріне сұрау сала алады.

Негізгі шаралар:

қылмыстық іс қозғалғанға дейін жедел ақпарат алмасу;

адамдарды іздестіру бойынша деректерді жедел салыстырып тексеру;

киберқылмыспен және ақшаны жылыстатумен күрес саласында бірлескен жаттығулар өткізу;

технологиялармен алмасу;

біліктілікті арттыру.

Айта кетері, Қазақстан мен Қатар арасындағы қылмысқа қарсы күрестегі ынтымақтастық туралы келісім 2024 жылдың 29 қазанында Доха қаласында рәсімделген болатын. Бірақ оны екі елдің парламенттері ратификациялауы қажет.