Қазақстан Ресейге мұнай айдауды тоқтатты: не болды

Ресей аумағындағы ұшқышсыз ұшақтар шабуылына байланысты уақытша тоқтатылған "Атырау - Самара" магистральдық мұнай құбыры арқылы қазақстандық мұнайды тасымалдау қайта жанданды, деп хабарлайды Tengrinews.kz Энергетика министрлігіне сілтеме жасап.

Энергетика министрлігінің ресми өкілі Әсел Серікпаеваның мәлімдеуінше, 3 қарашадағы жағдай бойынша мұнай құбыры штаттық режимде жұмыс істеп тұр.

"Атырау-Самара" магистральдық мұнай құбыры арқылы мұнай тасымалдау штаттық режимде жүзеге асырылып жатыр. Техникалық тексеру жұмыстары аяқталғаннан кейін мұнай айдау қайта қалпына келтірілді", - деп хабарлады министрлік.

Анықтама: "Атырау - Самара" - Қазақстанның негізгі экспорттық мұнай құбырларының бірі, ол арқылы мұнай Ресейге, одан әрі Еуропа нарықтарына тасымалданады. Құбырдың ұзындығы 697 шақырымды құрайды, өткізу қабілеті жылына 17,5 миллион тонна мұнайға дейін жетеді. Қазақстандық учаскенің операторы - "ҚазТрансОйл".

Еске сала кетейік, 2 қараша күні таңертең Ресейдегі Самара торабының нысандарына жасалған ұшқышсыз ұшу аппараттарының шабуылына байланысты "Атырау - Самара" құбыры арқылы мұнай қабылдау уақытша тоқтатылған болатын.

Қазақстан Энергетика министрлігінің мәліметінше, оқиға салдарынан ешкім зардап шеккен жоқ.

Ведомство жағдай министрліктің бақылауында екенін атап өтті.

Биыл жыл басында Қара теңіздегі Каспий құбыр консорциумы (КҚК) айлағындағы танкерлерге ұшқышсыз ұшақтар шабуыл жасаған болатын. Кемелердің бірі қазақстандық мұнайды тиеуге дайындалып жатса, екіншісі теңіз терминалында тиеу үстінде болған.

Қауіпсіздікке төнген қатер аясында ҚҚК мұнай жөнелтуді уақытша тоқтатты. Шикізатты қабылдауға қатысты шектеулерге байланысты Қазақстанның мұнай өндіруші компаниялары резервуарлардың шамадан тыс толуын болдырмау үшін тәуліктік өндіру көлемін азайтуға мәжбүр болды.

Қазақстанның Сыртқы істер министрлігі шабуылдарды елдің экономикалық мүдделеріне жол берілмейтін қолсұғушылық деп атап, қазақстандық мұнай экспорты үшін пайдаланылатын кемелер мен инфрақұрылымға жасалатын шабуылдарды тоқтатуды талап етті.

Сондай-ақ Сыртқы істер министрлігі Қазақстан келтірілген шығынды бағалап жатқанын және халықаралық құқыққа сәйкес оның өтелуін талап ету құқығын өзіне қалдыратынын мәлімдеді.

КҚК-ға жасалған шабуылдар Қазақстан бюджетіне қалай әсер етті?

Бізді Google-дың негізгі дереккөздер тізіміне қосыңыз