Қазақстанда болашақ депутаттар мен әкімдерге салынатын айыппұлды 5 есеге арттырғысы келеді

Қазақстанда депутаттыққа және басқа да сайланбалы лауазымдарға кандидаттарға бөлінген бюджет қаражатын мақсатсыз пайдаланғаны үшін айыппұл көлемін арттыру жоспарланып отыр. Бүгін Мәжіліс депутаттары осы жаңа норманы талқылады, деп хабарлайды Tengrinews.kz.

Қазақстанда депутаттыққа және басқа да сайланбалы лауазымдарға кандидаттарға бөлінген бюджет қаражатын мақсатсыз пайдаланғаны үшін айыппұл көлемін арттыру жоспарланып отыр. Бүгін Мәжіліс депутаттары осы жаңа норманы талқылады, деп хабарлайды Tengrinews.kz.

Бүгін Парламент Әкімшілік құқық бұзушылық туралы кодекске енгізілетін түзетулерді бірінші оқылымда қабылдады. Жобаға сәйкес, сайлау алдындағы үгіт-насихат жұмыстарына республикалық бюджеттен бөлінген қаражатты мақсатсыз жұмсағаны үшін айыппұлды бес есеге - 5-тен 25 АЕК-ке дейін арттыру көзделген.

Талқылау барысында депутат Юлия Кучинская жобада неліктен құқықбұзушыны тек айыппұл төлеуге ғана емес, сонымен қатар мақсатсыз жұмсалған барлық қаражатты бюджетке қайтаруға міндеттейтін норма жоқ екенін сұрады.

Сондай-ақ ол қаражат мақсатына сай, бірақ тәртіпті бұза отырып - мысалы, құжаттар дұрыс ресімделмесе, төлем мерзімдері бұзылса немесе тапсырыс туралы толық ақпарат болмаса, қандай жауапкершілік қарастырылатынын нақтылады. Тағы бір сұрақ бұл жауапкершіліктің тек жеке тұлға-кандидаттарға ма, әлде саяси партияларға да қатысты ма екендігіне арналды.

Премьер-министрдің орынбасары - ұлттық экономика министрі Серік Жұманғарин бюджет қаражатын пайдалану кезіндегі кез келген заң бұзушылық қаржылық бақылауға жататынын, ал тексеру қорытындысы бойынша қаражат автоматты түрде қайтарылуға тиіс екенін айтып жауап берді.

Құжаттарды ресімдеу кезіндегі олқылықтарға келсек, шенеуніктің айтуынша, қаражат тек құжаттар тексерілгеннен кейін ғана бөлінеді, сондықтан мұндай жағдай "гипотетикалық тұрғыда" ғана мүмкін. Егер мұндай заң бұзушылық орын алса, құжаттарды тексерген тұлғалар жауапқа тартылуы тиіс.

ҚАЗІР ТАЛҚЫЛАНЫП ЖАТЫР

Қызылордада тұрғын үй-коммуналдық шаруашылық саласын дамыту тақырыбында форум өтті

Кеше 22:48 2

Әділет министрінің орынбасары Лаура Мерсалимова бюджет қаражатын қайтару әкімшілік жаза болып табылмайтынын, сондықтан оның Әкімшілік құқық бұзушылық туралы кодексте жазылуы мүмкін еместігін айтты. Оның сөзінше, бұл мәселе Бюджет кодексімен және мемлекеттік аудит туралы заңмен реттеледі.

Бұған дейін Орталық сайлау комиссиясы 2025 жылы Қазақстанда 1028 сайлау өткенін хабарлады. Оның ішінде - аудандық маңызы бар қалалардың, ауылдардың, кенттердің және ауылдық округтердің 914 әкімін сайлау, 8 аудан және облыстық маңызы бар қала әкімін сайлау, сондай-ақ шығып қалған депутаттардың орнына мәслихат депутаттарының 106 сайлауы өтті.