Қазақстанда есірткі тұтынатын шенеуніктер әшкереленеді

Қазақстанда мемлекеттік қызметшілердің бір бөлігі үшін есірткі және психотроптық заттарды тұтынуға міндетті медициналық куәландыру енгізіледі. Мұндай норма мемлекеттік қызмет мәселелері туралы заңда қарастырылған, деп хабарлайды Tengrinews.kz тілшісі.

Қазақстанда мемлекеттік қызметшілердің бір бөлігі үшін есірткі және психотроптық заттарды тұтынуға міндетті медициналық куәландыру енгізіледі. Мұндай норма мемлекеттік қызмет мәселелері туралы заңда қарастырылған, деп хабарлайды Tengrinews.kz тілшісі.

Құжатқа сәйкес "Халық денсаулығы және денсаулық сақтау жүйесі туралы" кодекске түзетулер енгізіледі:

жаңа 142-1-бап пайда болады - ол есірткі құралдарын, психотроптық заттар мен олардың аналогтарын заңсыз тұтынудың алдын алу мақсатында мемлекеттік қызметшілерді оларды қолдануына міндетті медициналық куәландыруды енгізеді; уәкілетті орган мемлекеттік қызметшілердің есірткі және психотроптық заттарды тұтыну белгілеріне тексеру ережелерін бекіту құқығына ие болады.

Заңды талқылау барысында сенатор Андрей Лукин мұндай тексеру міндетті болатын мемлекеттік қызметшілердің лауазымдары қандай критерийлер бойынша айқындалатынын сұрады.

"Нақты қандай мемлекеттік қызметшілер міндетті куәландырудан өтуі тиіс және бұл заңнамалық шара мемлекеттік қызметшілердің есірткі құралдарын, психотроптық заттар мен олардың аналогтарын заңсыз тұтынуының алдын алуға, сондай-ақ олардың кәсіби жарамдылығының тиісті деңгейін қамтамасыз етуге қаншалықты ықпал етеді?" - деп сұрады сенатор.

Мемлекеттік қызмет істері агенттігі төрағасының орынбасары Салауат Мүксімов заңда жыл сайын міндетті наркоскринингтен өтуі тиіс лауазымды тұлғалар санаттары айқындалғанын айтты.

"Бұл міндетті негіз, оған басшылық лауазымдағы тұлғалар, яғни қарамағында басқа қызметшілері бар адамдар жатады. Сондай-ақ факультативтік негіздер бар, яғни лауазымдық міндеттердің сипаты мен мазмұнына қарай мемлекеттік органның басшысы айқындайтын негіздер. Мысалы, мемлекеттік құпиялармен жұмыс істеу. Бұдан бөлек, жалпы жыл сайын міндетті түрде наркоскрининг өткізу - ұсынылған заңның жаңалығы екенін мойындау керек және ең алдымен оны тыйымдар мен шектеулерге жатқызуға болады және қажет", - деді Салауат Мүксімов.

Оның айтуынша, мұндай шектеулер мемлекеттік басқарудың тиімділігін арттыру, азаматтардың мемлекеттік қызметке және мемлекеттік институттарға деген сенімін нығайту, сондай-ақ теріс пайдаланушылықтың алдын алу үшін қажет болса, мемлекеттік қызметшілер үшін жол беріледі.

ОБСУЖДАЕТСЯ СЕЙЧАС

Медалін шешуді ұмытып кеткен қазақстандық спортшы әуежайда қызық жағдайға тап болды

Кеше 08:10 1

Сенаторлар заңды және ілеспе түзетулерді екі оқылымда қарап, мақұлдады.

Бұған дейін бұл заң Мәжілісте қабылданған болатын. Құжатта мемлекеттік қызметшіні жұмыстан шығаруға есірткі тұтыну немесе автокөлікті мас күйінде басқару негіз болатыны қарастырылған.

Мұндай әрекеттер мемлекеттік қызметтің беделіне нұқсан келтіретін іс-әрекеттер деп саналады. Сонымен қатар мемлекеттік қызметтің беделін түсірген қызметшіні тәртіптік жауаптылық мәселесін шешу үшін кез келген уақытта еңбек немесе оқу демалысынан шақыртып алуға болады.

Google News арқылы жаңалықтарымызды қадағалаңыз

Жазылу