Қазақстанда геоталдау жасайтын зертханасы бар ірі кластер құрылады

Оның айтуынша, бұл бастама ірі геологиялық кластер қалыптастыру аясында жүзеге асырылып жатыр. Кластер құрамына зертханамен қатар термосақтау қоймасы, музей, сондай-ақ сала мамандарының біліктілігін арттыруға арналған оқу сыныптары кіреді.

– Қазақстан аумағындағы геологиялық барлауға инвесторлардың қызығушылығы артып отырғанын ескерсек, зертханалық зерттеулерге де сұраныс артты. Осыған байланысты тиісті инфрақұрылымды қалыптастыру бойынша жүйелі жұмыс жүргізіліп келеді, – деді вице-министр елордада Geoscience & Exploration Central Asia халықаралық форумында.

Вице-министр биыл жобалау жұмыстарына кірісу және болашақ кластер үшін жер учаскесін анықтау жоспарланып отырғанын айтты.

Бұл ретте Ұлытау облысында «Қазақмыс» компаниясы іске асырған заманауи зертханалық кешен өз жұмысын бастады. Бұл нысан қажетті зерттеулер жүргізуді қамтамасыз етеді және заманауи қауіпсіздік талаптарына сай келеді.

Сонымен бірге, қалалардың бірінде термосақтау қоймасы іске қосылып, өз мақсатына сай пайдаланылып жатыр.

Бұған дейін Иран Шархан Қазақстанда қанша пайдалы қазба қоры бар екенін айтқан еді.

Елімізде геологиялық барлауға салынған инвестиция көлемі 433 млрд теңгеге жетті.