Қазақстанда iPhone 17 Pro смартфонын сатып алу үшін адамдар қанша күн жұмыс істеу керек?

Жаңа iPhone 17 Pro (256 ГБ) Қазақстан нарығында шамамен 860 мың теңге бағамен сатылымға шықты. Бұл баға қазақтар үшін тағы да табыс деңгейінің көрсеткіші мен өзіндік әлеуметтік "маркерге" айналды, деп хабарлайды Arasha.kz.

Ұлттық статистика бюросының дерегіне сәйкес, 2024 жылғы орташа жалақы – 384 266 теңге. Демек, басқа шығындарды есептемегеннің өзінде, қарапайым адамға жаңа iPhone алу үшін айлығын толық жинап, 2,24 ай күтуі тиіс.

iPhone 17 Pro-ны қосымша несие алмай-ақ бірден сатып ала алатындар – негізінен IT, қаржы және шикізат секторында жұмыс істейтін мамандар. Қалған салаларда бұл смартфонның бағасы 2-3 айлықтың шамасында.

Атырау, Маңғыстау, Ұлытау облыстарында адамдар ең жоғары жалақы алады. Мұнда тұрғындар iPhone-ды 1,5 айда ала алады.

Алматы мен Астана ірі қалаларында көрсеткіш – 1,8 айлық. Бұл деңгей дамыған елдердің көрсеткішіне жақындайды.

Жетісу, Түркістан, Солтүстік Қазақстан облыстары – сатып алу қабілеті ең төмен аймақтар. Бұл өңірлерде iPhone сатып алу үшін 3 айлықтан көп жинау қажет.