Қазақстанда оқу ақысы мен стипендия қалай өзгереді

Журналистер студенттердің стипендиясы өседі ме, әлде бұрынғыдай күнкөріске жетпейтін деңгейде қала ма деген сұрақ қойды.

"Соңғы бес жыл ішінде стипендиялар кезең-кезеңімен жыл сайын 20–25%-ға өсіріліп отыр. Нәтижесінде жалпы көлемі шамамен 100%-ға артқан. 2025 жылы бұл бағдарлама аяқталған. Қазіргі таңда Үкіметпен бірге стипендияны жыл сайын қайтадан өсіру үшін жаңа бағдарламаны іске қосу мүмкіндігі қарастырылуда. Әсіресе ең жоғары өсім докторанттарға тиесілі. Бүгінде PhD докторанттарының ай сайынғы стипендиясы шамамен 254 мың теңгені құрайды. Сонымен қатар педагогикалық мамандықтар бойынша да стипендиялар ұлғайтылған",- деп атап өтті ол.

Министр 10% көлемінде қосымша өсім бола ма деген сұраққа, бұған дейін стипендиялар айтарлықтай көтерілгенін атап өтті: бакалаврлар үшін – шамамен 20%; магистранттар мен PhD докторанттар үшін – 20-25%.

Оның сөзінше, бес жылдық өсім кезеңі аяқталды. Қазір жаңа бес жылдық кезеңді бастау мәселесі қаралып жатыр, бірақ нақты шешім әлі қабылданған жоқ.

Минималды стипендия көлемі (педагогикалық мамандықтарға берілетін үстемақыларды есептемегенде) шамамен 55 мың теңгені құрайды.

Сондай-ақ журналистер қосылған құн салығы (ҚҚС) өзгергеннен кейін оқу ақысы өсу мүмкіндігін сұрады.

Министрдің айтуынша, оқу ақысы мемлекет тарапынан реттеледі. Мемлекеттік университеттерде бағаның күрт өсуіне жол берілмейді. Университеттерге тек инфляция деңгейіне байланысты аздаған түзету жасауға рұқсат етіледі – шамамен 10%-ға дейін (кей жағдайларда 10–15%-дан аспайды). Биыл да осы саясат сақталады: министрлік барлық жоғары оқу орындарымен келіссөз жүргізіп, оқу ақысының негізсіз қымбаттауына жол бермейді.

Бұған дейін Қазақстанда 1-сыныпқа құжат қабылдау мерзімі өзгертілгенін жазғанбыз.