Қазақстанда күнкөріс деңгейі артады жәрдемақылар қалай өзгереді

Қазақстанда келесі жылы ең төменгі күнкөріс деңгейін арттыру жоспарланып отыр. Жаңартылған көрсеткіштер Қаржы министрлігі "Ашық НҚА" порталында жариялаған 2027–2029 жылдарға арналған республикалық бюджет жобасында көрсетілген, деп хабарлайды Tengrinews.kz тілшісі.

2026 жылы Қазақстанда ең төменгі күнкөріс деңгейі 50 851 теңге. 2027 жылы оны 55 173 теңгеге дейін немесе 4 322 теңгеге арттыру көзделіп отыр.

Қандай төлемдер мен жәрдемақылар өзгереді?

Қазақстанда ең төменгі күнкөріс деңгейі шамасына мемлекеттік базалық әлеуметтік жәрдемақылар мен зейнетақы төлемдері тікелей байланысты.

2027 жылы күнкөріс деңгейі 55 173 теңге болғанда, ең төменгі базалық зейнетақы төлемі шамамен 38 621 теңге, ал ең жоғары мөлшері шамамен 66 208 теңгеге жетеді.

Мүгедектігі бойынша жәрдемақы:

І топқа - шамамен 121 381 теңге; ІІ топқа - 97 104 теңге; ІІІ топқа - 66 208 теңге.

Асыраушысынан айырылу бойынша жәрдемақы:

ҚАЗІР ТАЛҚЫЛАНЫП ЖАТЫР

Қызылорда облысында жыл басынан бері 88 мыңнан астам ағаш көшеті егілді

29 тамыз 15:33 1

асырауында бір адам болса - шамамен 50 759 теңге; екі адам болса - 93 794 теңге; үш адам болса - 124 139 теңге; төрт адам болса - 143 450 теңге; бес адам болса - 151 726 теңге; алты және одан көп адам болса - 165 519 теңге.

Мүгедектігі бар баланы және І топтағы мүгедектігі бар адамды күту бойынша жәрдемақы 88 829 теңге болады.

Айта кетерлігі, әзірге бұл тек бюджет жобасына қатысты мәселе. Құжат қоғамдық талқылауға шығарылды. Бұл онда көрсетілген сомалар әлі түпкілікті емес екенін білдіреді.

Қоғамдық талқылау аяқталғаннан кейін бюджет жобасы Парламенттің қарауына жіберіледі. Депутаттар өзгерістер енгізіп, құжаттың жекелеген параметрлерін түзетуге құқылы. Құжат Президент қол қойғаннан кейін күшіне енеді.

Ең төменгі күнкөріс деңгейі не үшін керек?

Ең төменгі күнкөріс деңгейі - бұл мемлекеттің есебі бойынша адамның өмір сүруінің минималды деңгейін қамтамасыз етуге (тамақтану, киім-кешек, коммуналдық қызметтер және басқа да негізгі қажеттіліктер) қажетті ақша сомасы.

Ең төменгі күнкөріс деңгейі келесі мақсаттарға қажет:

әлеуметтік жәрдемақыларды есептеу үшін - мысалы, аз қамтылған отбасыларға көмек олардың табысы күнкөріс деңгейінен төмен болса тағайындалады; өмір сүрудің ең төменгі стандарттарын анықтау үшін - мемлекет азаматтардың базалық қажеттіліктеріне қаражаты жететінін не жетпейтінін бағалайды; бюджетті және әлеуметтік саясатты жоспарлау үшін - халықты қолдаудың мемлекеттік бағдарламаларын қалыптастыруда, соның ішінде жәрдемақылар мен әлеуметтік төлемдердің кейбір түрлерін белгілеуде қолданылады.

Бұған дейін Қазақстанда 2027 жылдан бастап айлық есептік көрсеткіш (АЕК) мөлшері өзгеретіні хабарланған болатын. Сонымен қатар ең төменгі зейнетақыны көтеру жоспарланып отыр.

Google News арқылы жаңалықтарымызды қадағалаңыз

Жазылу