Қазақстанда қан айналымы жүйесі ауруларына шалдыққандар көрсеткіші 5,5% ға төмендеді

АСТАНА, 17 мамыр – Sputnik. Бүгін 17 мамыр – Дүниежүзілік артериялық гипертониямен күрес күніне орай денсаулық сақтау министрлігі елдегі дерекпен бөлісті.

Гипертонияның қауіптілігі – ауру ұзақ уақыт бойы ешқандай белгілерсіз өтуі мүмкін. Сондықтан оны жиі "үнсіз өлтіруші" деп атайды. Осыған байланысты артериялық қысымды бақылау бүгінде қоғамдық денсаулық сақтаудың маңызды міндеттерінің бірі ретінде қарастырылады.

Дүниежүзілік денсаулық сақтау ұйымының елдік бейінінің деректеріне сәйкес Қазақстандағы ересек тұрғындардың арасында артериялық гипертонияның таралу деңгейі шамамен 42%-ға жетеді, яғни елдегі әрбір екінші ересек адамның артериялық қысымы жоғары.

"2025 жылдың қорытындысы бойынша Қазақстанда артериялық гипертония диагнозымен 1 776 876 пациент диспансерлік есепте тұрған. Бұл мәселенің ауқымын және денсаулық сақтау жүйесіне түсетін жүктеменің жоғары екенін қосымша көрсетеді", - деп жазылған хабарламада.

Жүргізіліп жатқан жұмыстардың нәтижесінде Қазақстанда қанайналым жүйесі аурулары бойынша сырқаттанушылық көрсеткіштерінің төмендеуі байқалады. 2025 жылдың қорытындысы бойынша қанайналым жүйесі ауруларымен сырқаттанушылық көрсеткіші 5,5%-ға төмендеді, ал осы аурулардан болатын өлім 100 мың тұрғынға шаққанда 148,8-ді құрады.