Қазақстанда қызылша өршіп тұр: Денсаулық сақтау министрі ата аналарға үндеу жасады

Қазақстанның денсаулық сақтау министрі Ақмарал Әлназарова елімізде қызылша ауруының асқынуына байланысты ата-аналарға үндеу жасады. 

Өз үндеуінде ол бұл «қарапайым балалар инфекциясы» емес екенін атап өтті. Қызылша — асқынуы ауыр болуы мүмкін қауіпті жұқпалы аурулардың бірі. Ол пневмонияға, нерв жүйесінің зақымдануына және басқа да күрделі салдарға әкелуі мүмкін. Әсіресе ерте жастағы балалар осал келетінін айтты. 

Әлназарованың айтуынша, Денсаулық сақтау министрлігі бірқатар шаралар қабылдады: 6–10 айлық балаларға қосымша иммундау басталды, екпені өткізіп алған балаларды вакцинациялау ұйымдастырылды, профилактикалық жұмыс күшейтілді. Қазіргі таңда сырқаттанушылықтың өсу қарқынының төмендеуі байқалады, дегенмен жағдай баршамыздың ортақ жауапкершілігімізді талап етеді.

Ведомство басшысы сенімді қорғанудың жалғыз жолы — вакцинациялау екенін алға тартады. Оның қауіпсіздігі мен тиімділігі көпжылдық тәжірибемен дәлелденген. Ата-аналарды әлелді медицина қағидаттарына және мамандардың ұсынымдарына сүйенуге шақырды. "Балаға екпе жасату арқылы тек өз балаңызды ғана емес, өзге балаларды да қорғайсыз", деп түйіндеді сөзін министр.Атырау облысында 779 адам профилактикалық екпеден бас тартты.

Бүгін, 10:45