Қостанай облысында қызылша дерті өршіп тұр

Бұл туралы Қостанай облысы денсаулық сақтау басқармасы басшысының орынбасары Айдана Бүркітбаева хабарлады. Сырқатты жұқтырғандардың 90,8 пайызы екпе алмаған. Оларға мыналар жатады:

50 екпе алатын жасқа толмаған балалар;  54 адам вакцинациядан бас тартты;  20 вакцинация мәртебесі белгісіз; 15 адам медициналық жеңілдікке ие болды.

Сырқаттың ең көп таралған аумағы Қостанай мен (81 жағдай) Арқалық қаласында (33 жағдай) тіркелді. Облыстың басқа аудандары мен қалаларында 10-12 жағдайға дейін оқшауланған жағдайлар тіркелді.

Қызылшаны көбіне балалар жұқтырған. 

4 жасқа дейінгі балалар — 105 жағдай (68,6%); 4-14 жас аралығындағы балалар — 22 жағдай; Жасөспірімдер — 5 жағдай; 20 жастан асқан ересектер — 21 жағдай.

Сырқаттың әлеуметтік жағдайына келетін болсақ, ауру жұқтырғандардың көпшілігі ұйымдаспаған ортадан шыққан балалар (95 жағдай), сондай-ақ мектепке дейінгі білім беру ұйымдарына баратын балалар, мектеп оқушылары, студенттер және жұмыс істейтін ересектер.

Мамандар қызылшаның ауа арқылы таралатын өте жұқпалы вирус екенін еске салды. Жұқпалылық индексі 93-95% жетеді, яғни жұқтырған адаммен байланыста болған екпе қабылдамаған әр адам сырқатты жұқтыруы мүмкін.

Қызылша дерті — көру, есту қабілеттерін бұзып, пневмония, жүйке жүйесінің зақымдануын асқындырады.  

Вакцинаны қабылдамау індеттің кең таралуына себеп болып отыр. Сондықтан облыста екпе егу жұмысын күшейтті.

6 айлық және одан жоғары жастағы балаларға қосымша екпе егу;  сырқатпен 72 сағат ішінде байланыста болған адамдарды шұғыл вакцинациялау;  Балабақшаларға, мектептерге және жабық мекемелерге қабылдау кезінде вакцинация мониторингі күшейтілді; Екпе алмаған балалар қызылша ауруы анықталса, балабақшалар мен мектептерден уақытша шығарылады.

Жыл басынан бері облыста эпидемиологиялық көрсеткіш бойынша 804 адам екпе қабылдады, оның 593-і бала.

Айта кетейік, Ақтөбеде қызылша жұқтырғандар саны үш есе артты. Жалпы елімізде қызылшамен ауырғандардың 78%-ы екпе алмаған.