Қазақстанда сиыр етін экспорттауға 6 айға шектеу енгізу жоспарланып отыр

АСТАНА, 29 маусым – Sputnik. Ауыл шаруашылығы министрлігі елден сиыр етін экспорттауға уақытша шектеу қоюды ұсынды.

Бұл туралы министрліктің бұйрық жобасында айтылған.

Құжатқа сәйкес, үшінші елдерге, оның ішінде ЕАЭО-ға мүше мемлекеттерге сиыр етін экспорттауға 25 мың тонна көлемінде квота белгілеу ұсынылған. Көлемі 25 мың тонна деп белгіленген.

"Мақсат – отандық ет өңдеу кәсіпорындары үшін шикізат базасын қамтамасыз ету, ауыл шаруашылығы өнімдерін қайта өңдеу көлемін ұлғайту, ішкі қосылған құнды арттыру, қосымша жұмыс орындарын құру, бағаны тұрақтандыру кезінде ішкі нарықты ет өнімдерімен жеткілікті қамтамасыз ету", - делінген бұйрық жобасында.

Бұйрық жобасы 2026 жылдың 1 шілдесіне дейін қоғамдық талқылау үшін ашық болады. Бұған дейінгі шектеулер 2025 жылдың соңында енгізілген болатын.