Қазақстанда ұялы телефонмен жасалатын қоңыраулар таңбаланады заң әзірленді

АСТАНА, 13 мамыр – Sputnik. Премьер-министрдің орынбасары – жасанды интеллект және цифрлық даму министрі Жаслан Мәдиев ұялы телефонмен жасалатын қоңыраулар таңбалау жүйесін түсіндірді, деп хабарлайды Sputnik Қазақстан тілшісі.

Мәжілісте қаралып жатқан заңның аясында заңды тұлғалардан түсетін қоңыраулар таңбалау міндеті енгізіледі. Негізгі мақсат-азаматтарды телефон алаяқтығынан қорғау.

"Бұл абоненттерге ресми қоңырауларды күдіктілерден ажыратуға мүмкіндік береді", - деді Мәдиев мәжілістің бүгінгі отырысында.

Оның айтуынша, абоненттік нөмір мен ұялы телефондарды жақын туыстарынан басқа үшінші тұлғаларға беруге тыйым салынады. Сондай-ақ, байланыс құралдарын верификациялау арқылы тіркеу рәсімін жетілдіру көзделген.

"Бұл заңсыз әкелінген құралдарды пайдалануды азайтады, IMEI-ді ауыстыру арқылы жасалатын алаяқтық тәуекелдерін төмендетеді", - деді министр.

Мәжіліс депутаттары заңды бірінші оқылымда мақұлдады.