Қазақстандағы жеке тұлғалардың берешегі: несиесін 90 күннен астам төлей алмай жүргендер саны өсіп келеді

2025 жылғы тамыздағы жағдай бойынша жеке тұлғалардың 573,6 мыңы 90 күннен артық мерзімі өткен берешегі бар, – деп хабарлайды Aikyn.kz сайты naryk.kz сайтына сілтеме жасап.

Солардың ішінде 7,5 мың адам соңғы төрт жыл бойы қарызын тұрақты түрде өтеу мүмкіндігі жоқ деп бағаланды.

Ұлттық банк зерттеуіне сәйкес, пайызсыз бөліп төлеу портфелі дәстүрлі тұтынушылық несиелермен салыстырғанда сапасы төмен емес. Бірақ 2025 жылдың тамызында жалпы тұтынушылық несиелер сегментіндегі NPL90+ көрсеткіші бөліп төлеу портфелінен сәл жоғары – 6,65%-ға жетті.

Ұлттық банк шолуында проблемалық қарыздарды жүйелі бақылау үшін бөліп төлеу сегментін жеке кіші санатқа бөлу ұсынылған. Бұл қарыз алушылардың қаржылық жүктемесін дәлірек бағалап, нарықтағы тәуекелдерді бақылауға мүмкіндік береді.