Қазақстандықтарға тамыз айындағы маңызды салық мерзімдері туралы ескертілді

Тамыз айында қазақстандық салық төлеушілер тоқсандық және жартыжылдық есепті тапсырып, салықтар мен міндетті төлемдерді уақтылы төлеуі тиіс. Алматы қаласы бойынша мемлекеттік кірістер департаменті биыл демалыс күндеріне байланысты кейбір мерзімдердің ауыстырылғанын еске салады, деп хабарлайды Tengrinews.kz.

Мерзімдердің өзгеру себебі

Алматы қалалық МКД түсіндіруінше, 15 тамыз сенбіге сәйкес келетіндіктен, салық есептілігін тапсыру және жекелеген салықтарды төлеудің соңғы мерзімі дүйсенбіге, 17 тамызға дейін ұзарады.

Техникалық іркілістер мен өсімпұл есептелуін болдырмау үшін салық төлеушілерге міндеттемелерді орындауды соңғы күндерге қалдырмау ұсынылды.

17 тамызға дейін не тапсыру қажет?

17 тамызға дейін бірқатар тоқсандық декларациялар мен есептерді ұсыну қажет, соның ішінде:

101.03-нысан – 2026 жылдың II тоқсанында резиденттің табысынан төлем көзінен ұсталған КТС бойынша есеп; 101.04-нысан – 2026 жылдың II тоқсанында бейрезиденттің табысынан төлем көзінен ұсталған КТС бойынша есеп; 200.00-нысан – 2026 жылдың II тоқсанындағы ЖТС және әлеуметтік салық бойынша декларация; 300.00-нысан – 2026 жылдың II тоқсанындағы ҚҚС бойынша декларация; 400.00-нысан – 2026 жылғы маусым айындағы акциз бойынша декларация; 500.00-нысан – 2026 жылдың II тоқсанындағы жер қойнауын пайдаланушылардың төлемдері бойынша декларация; 510.00-нысан – 2026 жылдың II тоқсанындағы қол қойылатын бонус бойынша декларация; 531.00-нысан – 2026 жылдың II тоқсанындағы салықтық міндеттемені заттай нысанда орындау бойынша декларация (есеп); 590.00-нысан – 2026 жылдың II тоқсанындағы пайдалы қазбаларды өндіру салығы және соған байланысты төлемдер бойынша декларация; 641.00-нысан – 2026 жылдың II тоқсанындағы аударымдар есебі; 701.01-нысан – мүлік салығы бойынша ағымдағы төлемдердің есебі; 710.00-нысан – 2026 жылдың II тоқсанындағы ойын бизнесі салығы бойынша декларация; 860.00-нысан – 2026 жылдың II тоқсанындағы су ресурстарын пайдаланғаны үшін төлемақы бойынша декларация; 870.00-нысан – 2026 жылдың II тоқсанындағы қоршаған ортаға теріс әсер еткені үшін төлемақы бойынша декларация; 880.00-нысан – 2026 жылдың II тоқсанындағы цифрлық майнинг үшін төлемақы бойынша декларация; 910.00-нысан – оңайтылған декларация негізінде АРЖ қолданатын салық төлеушілерге арналған 2026 жылдың I жартыжылдығы бойынша декларация. Тағы қандай күндерді өткізіп алмау маңызды?

20 тамыз:

328.00-нысан – 2026 жылғы шілде айындағы тауарларды әкелу және жанама салықтарды төлеу туралы өтініш; 851.00-нысан – жер учаскелерін пайдаланғаны үшін ағымдағы төлемдер сомасының есебі; 870.00-нысан – қоршаған ортаға теріс әсер еткені үшін төлемақы бойынша декларация. Төлемдер

5 тамыз:

Жеке практикамен айналысатын тұлғалардың 2026 жылғы шілде айындағы табыстары бойынша ЖТС.

17 тамыз:

Өзін-өзі жұмыспен қамтығандар үшін интернет-платформа операторы 2026 жылғы шілде айында аударатын АРЖ бойынша ЖТС.

20 тамыз:

ЕАЭО аясындағы 2026 жылғы шілде айындағы ҚҚС; Акциз, соның ішінде ЕАЭО елдерінен импортталған тауарлар бойынша; Қоршаған ортаға теріс әсер еткені үшін төлемақы.

24 тамыз:

2026 жылғы шілде айында бейрезиденттердің жекелеген санаттарына төленген табыстардан алынатын ЖТС.

25 тамызда:

КТС – 2026 жылғы тамыз айындағы аванстық төлемдер; Резидент табысынан төлем көзінен ұсталған КТС; Төлем көзінен ұсталған ЖТС; Бейрезидент табысынан төлем көзінен ұсталған КТС; Өзін-өзі жұмыспен қамтығандар үшін 2026 жылғы шілде айындағы АРЖ бойынша ЖТС; Оңайтылған декларация негізінде АРЖ қолданатын салық төлеушілердің 2026 жылдың I жартыжылдығындағы декларациясы бойынша КТС (ЖТС); 2026 жылдың II тоқсанындағы ҚҚС; 2026 жылдың II тоқсанындағы экспортқа салынатын рента салығы; Тарихи шығындарды өтеу бойынша төлем; Пайдалы қазбаларды өндіру салығы; Салықтық міндеттемені заттай нысанда орындау бойынша ағымдағы төлемдер; 2026 жылғы шілде айындағы әлеуметтік салық; Мүлік салығы; 2026 жылдың II тоқсаны үшін ойын бизнесіне салынатын салық; Жер учаскелерін пайдаланғаны үшін төлемақы; Су ресурстарын пайдаланғаны үшін төлемақы; Қоршаған ортаға теріс әсер еткені үшін төлемақы; Радиожиілік спектрін пайдаланғаны үшін төлемақы; 2026 жылдың тамыз айы үшін сыртқы (көрнекі) жарнаманы орналастырғаны үшін төлемақы; 2026 жылдың II тоқсаны үшін цифрлық майнинг үшін төлемақы; 2026 жылдың шілде айы үшін бірыңғай төлем; 2026 жылдың шілде айы үшін әлеуметтік төлемдер (БЖЗҚ, МЗЖ, ЖБЗҚ, ӘО, МӘМС, МӘМСЖ).

Департамент есептілікті алдын ала дайындап, жіберуді, сондай-ақ салықтарды уақтылы төлеуді ұсынады. Бұл өсімпұл есептелуінің алдын алуға және құжаттарды тапсырудың соңғы күндеріндегі ықтимал техникалық кідірістерден аулақ болуға мүмкіндік береді.

Еске сала кетейік, бұған дейін Алматы тұрғындарына 2025 жылға жалпы сомасы 4,8 миллиард теңге болатын жеке тұлғалардың мүлік салығы есептелді. Оны 1 қазаннан кешіктірмей төлеу қажет.

Google News арқылы жаңалықтарымызды қадағалаңыз

Жазылу